A Cho pa Simnɔŋndo Maa Kiliti?
“Ŋ cho fuuluu o iboondu miŋ simnuŋ kɛsɛ kɛsɛ maa Kiliti.” —ƐFI. 4:
CHONDOŊ: 69, 70
1, 2. Hiouwɔɔ lachi yɛɛ Kilisiɔŋnda kpou nɔ yɛ ma kindi kindiŋ le ndu? Chɔm tamaseliiyo.
TE KALACHUA nɔ taasioo wo kuɛ pɛ maŋgueiyaŋ piondɔɔ o lɔɔ niŋ, o cho ma bɛndaŋ ɔɔ ma kindu baa le waŋ te o hɛli le. Kɛ ma diu nyɛkɛndɛi yaŋ. O yeema maŋgueima yeela nyɛkɛndɛi yaŋ. Ma nɔ chuŋ kɛndɔɔ mi ma kuundiaa wana waŋ. A tonya, maŋgueima kendu nyɛkɛndɛi yaŋ o hɛli ni.
2 Te waŋndo tosa pɛ hiouwɔɔ lachioo le yɔŋgɔŋndo o Mɛlɛka lo mbo yiŋ, o nɔ mbo wa hiouwɔɔ lachioo tosaa o Mɛlɛka piɛiyo niŋ. Kpeleŋ ndɔɔ cho le simnɔŋndo kaasoŋnɔɔ o Mɛlɛka piɛiyo niŋ ni. Mi kiilanɔɔ Pɔɔl poonyial Kilisioŋnda Ɛfisɔɔ le sabu nda nɔma simnuŋ ŋkaasoŋ o Mɛlɛka piɛiyo niŋndo. O cho a kaasoŋyɛi ŋdialle okɔɔ le naŋ cho suɛi le. Mɛlɛka cho nda dɛɛniaa le ma “nɔ tiindaŋ pilɔɔ o Mɛlɛka piɛiyo niŋ, nduyɛ, mi ŋ sɔla sina pɛŋgu pilɔɔ a Po Mɛlɛkaa okɔɔ, nduyɛ, mi ŋ simnuŋ lakaasoŋ o tiindaŋ naa ŋ nɔ wo niŋ. O koŋ kɔɔli, ŋ cho fuuluu o iboondu mi ŋ simnuŋ kɛsɛ kɛsɛ maa Kiliti.”—Ɛfi. 4:
3. Baa bahawɛi kundaa Ɛfisɔɔ ndoo nɔ wo wanaa Chɛhowaa nɔ hau ni?
3 Kundaa Ɛfisɔɔ ndoo chua niŋ wɔsiŋ bɔɔbɔɔ teleŋ Pɔɔl poonyial Kolo. 2:
KAASOŊYƐI O KILISIƆŊNDEŊ NIŊ
4, 5. O nɛila kuɛɛ choo Kilisiɔŋaa cho kaasoŋnda o Mɛlɛka piɛiyo niŋnda cho yɛ nyɛpilɛ le, kɛ yɛɛ nda kpou nɔ yɛ? (Tofa fotueiyo o peele naŋ kandu leŋ choo.)
4 Te a mɛɛndaŋ pɛ maŋgueima diuwaŋ o lɔɔ niŋ, ma che maa o cho maŋ kpou le cho nyɛpilɛ le. Kɛ, ma che maa ma diuwaŋ ma cho ni. Lende koni, Kilisiɔŋaa cho kaasoŋnda o Mɛlɛka piɛiyo niŋnda cho ni. A fula o lɛŋnde pilɛ niŋ te, a cho yuŋgu pilɛ le, a nɔ kɛndiaa pilɛ le, a nɔ wɔsiŋ pilɛ le, nduyɛ a nɔ sinapɛŋgu pilɛ le. Vɛlɛ kaala ndalaŋ a naamula ndalaŋ la cho nyɛpilɛ le. Kɛ a koŋ kpou, Kilisiɔŋaa cho hiouwɔɔ lachioo tosaa o Mɛlɛka piɛiyo niŋnda nɔ suiliŋnda chɔm maa kaasoŋnda nda cho o Mɛlɛka piɛiyo niŋ ni. Le yɛɛ naŋ dimi yɛ lende?
5 Wana cho kaasoŋnɔɔ o Chɛhowa piɛiyo niŋndo cho yoomu ndɔɔ taŋgullo le tamasi Chiisoo tolɔɔ kɔɔli. Nduyɛ Chiisu chɔm naa nɛiyo le miŋ “tol peluŋ ndɔŋ kɔɔli.” (1 Pitɛ 2:
Kilisiɔŋaa kɔl kaluaa chɔm kaa tuisiaŋ Kilitioo le feleŋguaa cho chilaŋ chuaa wa tooloo (Tofa pɛl 6)
6, 7. (a) A suiliŋnda kuɛɛ ŋ sina yɛ Kilisiɔŋnɔ simnuŋ kaasoŋnɔɔ o Mɛlɛka piɛiyo niŋndo? (b) Yɛɛ naŋ cho yɛ yaasiaa?
6 Ŋ sinapɛŋgu maa kaalaa cho suiliŋ iMɛlɛkayaa opilɛ ni o Kilisiɔŋnɔ cho kaasoŋnɔɔ o Mɛlɛka piɛiyo niŋndo chɔmndo. (Kalee. 5:
7 Mɛɛ mɛɛ naŋ chua wɔsioŋ o Mɛlɛka piɛiyo niŋ, wana o wana nɔ mbo nyunaŋ aa, ‘Baa fondala cheleŋ la cho o yoomu nuu niŋ, naa ya nɔ mi tol peluŋ Chiisoŋ kɔɔli le hiouwɔɔ lachioo tosaa o Mɛlɛka piɛiyo niŋndo?’
“WANA CHO NIŊ KAASOŊNƆ WO, NDU DIA NYƐ DIAA YƆŊAA HOO NI”
8. Yɛɛ ŋ cho yɛ dimi a kɔl kalu Baabui Chiisoo okɔɔ nduyɛ a mɛɛ ndoo bii ndu bila yɛ?
8 Chiisu Kiliti nɔ sinapɛŋgoo tau a Diom Mɛlɛkaa okɔɔ. Nduyɛ teleŋ o wa bɛɛ Luku 2:
9. (a) Pɛɛku Baabui suu kuɛɛ bɛnda yɛ le wana yeema mbo tosa hiouwɔɔ lachioo o Mɛlɛka piɛiyo niŋndo? (b) Le sabu yɛɛ pɛɛku Baabuiyo cho yɛ?
9 A mɛɛ Chiisu kɛsul naa tamaseliiyo yɛ, Kilisiɔŋnɔ yeema mbo tosa hiouwɔɔ lachioo o Mɛlɛka piɛiyo niŋndo nɔ ko mbo hini kɔl a kɔlkalu pɔmbɔ o sɔla a Baabuiyo okɔɔ wo le. Kɛ o nɔ mbo pɛɛku sɔɔŋ cho leniŋdoŋ nyɛkɛndɛi, mbo sina maa “wana cho niŋ kaasoŋnɔ wo, ndu dia nyɛ diaa yɔŋaa hoo ni.” (Hibu. 5:
10. Vɛɛ kɔlkaloo mala yɛ Kilisiɔŋnɔ cho kaasoŋnɔɔ o Mɛlɛka piɛiyo niŋndo lɔɔlɔɔ o yoomu ndɔɔ niŋ?
10 Kilisiɔŋnɔ cho kaasoŋnɔɔ o Mɛlɛka piɛiyo niŋndo nɔ sinapɛŋgoo maa o cho ko kɔlkaloo le yeemaŋ te. Le handɔɔ o nyɛ o sina wo choo, vɛɛ kpɛ o kaala yɛ sawala Chɛhowalaŋ, a kaala ndɔlaŋ? Nyɛ chɔm maa ŋ nɔ kaala suu waa naa wo Ɛfisiaŋnda 4:
A CHO A MƆƆSAA O DIOMPILƆƆ NIŊ
11. Yɛɛ ndoo yɔŋnuŋ yɛ Chiisu teleŋ o wa a yuŋgu ndɔɔ vɛlɛ a buɛiyaa nduaa wo?
11 Chiisu cho wana haki le. Nduyɛ o wa latulu a waŋchieeyaa lahakiaa teleŋ o wa o chieeŋndo choo wo. Wanaa lahakiaa finya ndɔ a kala ndɔ manda ndu wo wa ni. Nduyɛ, o wa a wanayaŋ ndɔŋ lahakioŋ latulu le wɔsioŋ chalaŋ. Buɛiyaa nduaa wa ndu ikɛi ya bɛɛ ndaa nɔ kɔl landɛi nyɛ nuuviaa chieeŋ nda wa niŋndo. Le tamaseliiyo, tuupa ma dii Chiisu ichɔl koŋ, “mi buɛiyaa nduaa kandu sɛɛŋgiaŋndo nda pila tɛɛŋ le wana wa wana bɛndoo nda tɛɛŋndo.” (Luku 22:
12, 13. (a) Vɛɛ Ɛfisiaŋnda 4:
12 Mi Kilisiɔŋnɔ cho kaasoŋnɔɔ o Chɛhowa piɛiyo niŋndo hivi diompilɔɔ lachi o kundaa niŋ. (Nuawɔ Ɛfisiaŋnda 4:
13 Tafawɔ tamaselii Uvɛ wo. O paandoo niŋ, mi ndoo dɔunuŋ tumbe le sɔɔŋ chaaŋaa nduaa laalaŋnda tosal ndu woŋ. Kɛ, mbo kɛɛsiaa le Baabuiyo a “Insight on the Scriptures” (Étude perspicace des Écritures) soliŋndo kpeku le pɛɛkoo a Deeve okɔɔ. Le yɛɛ? Mi Uvɛ tɛɛsiaa aa, “Mi Deeve cha kaa wɔɔŋ chaaŋaa nduaa laalaŋnda tosal ndu wo. Le tamaseliiyo, mi Masaa Sɔɔl kindiŋ le ndu diyɔɔ, mi waŋnda apum kindiŋ le ndu vii viiyo a poutaŋ, nduyɛ mi laandɔ bɛɛ cha ndu nyɛ fondoo fuu. (1 Saam. 19:
CHAŊYAŊ O WANAA CHO HƐNAŊ MƐLƐKAA TOSAA WA TƐƐŊ
14. Chaŋyaŋ suu kuɛɛ Chiisu ndoo hɛli yɛ?
14 Chiisu ndoo nɔ chaŋyɛi a wana o wana. Wana o wana ndoo yeema le ndu waa ikɛi, puaa, waŋlaanduaa, feleŋguaa, yuuwa, a chuaambuaa. Kɛ Chiisu wa yekeŋ le chaŋyaŋ kpɛɛluŋndoŋ hɛlioo. Mbo dimul kiilaa nduaa dɔu tiindaŋndo o ndu niŋnda aa, “Te la tosa nyɛ ya I dumul nya wo pɛ, mɛɛ ndiaamɔɔwaa niaa nya cho ni.” (Chɔŋ 15:
15. Te feleŋguaa tosa chaŋyɛi pɛ a Kilisiɔŋaa cho kaasoŋnda o Mɛlɛka piɛiyo niŋnda, tɔnɔ yɛɛ nda sɔla yɛ?
15 Paaleŋ le tosa ni mi komɔɔ suu o suu diu nyɛkɛndɛi. Lende koni puaapiliaa naa mala naa le hiouwɔɔ lachi a kaasoŋyɛi sɔlaa o Mɛlɛka piɛiyo niŋ ni. Kɛlɛŋgaa maa feleŋgɔnɔ, a cho kindiŋndo le ma kɛɛsiaa nyɛ ŋ nɔ ma tosa o yoomu numndo niŋndo. I wa bɔɔ suɛi taasi le ma tosa chaŋyɛi a chaaŋaa numaa laalaŋaa nɔ niŋ sinapɛŋgoo tau o Chɛhowa piɛiyo niŋnda, nduyɛ ma wa malaa le diompilɔɔ waa o kundaa niŋnda! Kɛlɛŋgaa o wɔsiŋ hiouwoŋ niŋ, a sɔla niŋ simultaŋ o yoomu ndaa niŋ, a o Mɛlɛka piɛiyo niŋ. Wanaa suu waa ndoo mala num le nɛi sɔviɔɔ tolɔɔ kɔɔli o yoomu numndo niŋ. Chaŋyɛi tuu kpɛiye tosaa a puaapiliaa a ndepiliaa suu waa naa mala num le kɛɛsiaalaŋ tosaa a taasi, nduyɛ ma sɔla kaasoŋyɛi o Mɛlɛka piɛiyo niŋ.—Nuawɔ Hibuluiya 5:
16. Vɛɛ bɛnduaa kɔlkaluaa o kundaa niŋ ndaa mala yɛ ndepilɛnɔ feleŋgɔnɔɔ?
16 Le tamaseliiyo, mi Hɛlka loonuŋ maa, o wɔsi ndɔ mɛɛlaa o sukuu, mi sukuuwaa nda wa o toŋgo pilɔɔ niŋnda wa suukaŋndo a kpeleŋnda nda kɛsilaŋ okɔɔ. A bɔɔbɔɔ wa dɛnɛ sinaa bɛndoo kiltaŋ kɔɔli le halikpeŋ ma sɔla yoomu sɔviɔɔ. Mi Hɛlka duau baltaŋ a chaaŋaa nduaa o kundaa niŋ a hei okɔɔ. Mbo dimi aa, “A bɔɔbɔɔ ndaa chuu ya okɔɔ, nduyɛ ma mala ya tau. Ma dɛɛniaa ya le kɔɔfale lɔɔlɔɔ leŋ tosaa. Okoŋ kɔɔli, mi tosa kɔɔfaleŋ le wɔsilaŋ la ŋuɛɛnu. Nduyɛ I cho a kɔlkɛndɛ suŋsuŋ le mɛɛ ya soliŋ feleŋgɔyɛi nii kpeku o wali Chɛhowaa niŋ yɛ. I tembu kɔl le mɛɛ ya tosa lende yɛ le.”
17, 18. Vɛɛ kaasoŋyɛi o Mɛlɛka piɛiyo niŋ mala yɛ naa le sabu naa peeloo o yoomoo niŋ?
17 Kindiŋndo le tamasi Chiisu kɛsul naa wo tolɔɔ kɔɔli o yoomu naa niŋ mala naa le hiouwɔɔ lachi leKilisiɔŋndo tosaa. Ŋ cho Chɛhowa sɔɔŋguu ikɛi kpɛɛluŋ, nduyɛ miŋ hiou lachi a yeemɛi nɔɔ le ndu piɛiyo a yoomuma naŋ fau. Buɛi Mɛlɛkaa nɔla mbo ke Chɛhowa nyɛ bɛnda wo te o tosa pɛ hiouwɔɔ lachioo mbo simnuŋ Kilisiɔŋnɔ nɔ kaasoŋyɛi o ndu piɛiyo niŋndo. Mi Chiisu dɛɛniaa buɛiyaa nduaa aa, “Mɛɛ lende koni, nyɛ wawoŋ nyaa nɔ le diondɔɔ ni. Koŋ tosa ni, te waŋnda che pɛ sɔɔŋ kɛndɛŋ nya tosa woŋ, a saŋgala Mɛlɛka Finya nya o cho o fondaŋ ndɔɔ wo.”—Maa. 5:
18 A mɛɛ naŋ che yɛ, Kilisiɔŋnɔ cho kaasoŋnɔɔ o Mɛlɛka piɛiyo niŋndo nɔla mbo hiŋ a kaa kɛndɔɔ o kundaa niŋ. Nduyɛ kaasoŋyɛi hei nɔla mii wa kpendekele a mɛɛ Kilisiɔŋnɔɔ soliŋ kɔl iyama ndɔ iMɛlɛkayaa kpeku yɛ. Vɛɛ kɔl iyama naa mala yɛ naa le kɛɛsiaalaŋ tosaa a taasi? Nduyɛ vɛɛ naŋ chɔm yɛ bɛɛleŋ le kɛɛsiaala chaaŋaa naa laalaŋnda tosa a kɔlta iyamala ndalaŋ ndo? Ŋ cho sɔɔŋ muŋ yaasiaa o buŋgɛi cho lachi ve niŋ.
^ pɛl 6 Le tamaseliiyo, ma dimul puaapiliaa nɔ taasioo kɛ ma yuuwa wa le ma ke puaapiliaa feleŋguaa waltaŋ lapum le tosaa o kundaa niŋ, nduyɛ ma toolu nda le laŋ tosaa.