KO RREVÍSTAPE OÑEANALISA | ¿MBAʼÉPA ÑANDEJÁRA OPENSA UMI GÉRRARE?
Mbaʼépa Ñandejára opensa umi gérrare umi isrraelíta tiémpope
Israel ningo haʼe vaʼekue pe puévlo Ñandejára oiporavóva, péro umi ehípsio oreko chupekuéra ipoguýpe. Upévare heta ohasa asy vaʼekue hikuái ha ojerure jey jey Ñandejárape oipytyvõmi hag̃ua chupekuéra. Péro haʼetévaicha ndaipóriva osalva vaʼerã umi isrraelítape (Éxodo 1:13, 14). Upéi, heta áño ohaʼarõ rire hikuái, og̃uahẽ sapyʼa pe tiémpo Ñandejára osalva hag̃ua chupekuéra umi ehípsiogui (Éxodo 3:7-10). La Biblia heʼi Ñandejaraite voi oñorairõ hague umi ehípsio kóntrape. Ogueru hiʼarikuéra umi 10 plága ha upéi ohundi faraón ha ijehérsitope pe mar Rójope (Salmo 136:15). Péicha Jehová osalva ipuévlope ha ohechauka haʼeha “peteĩ gerréro oñorairõkuaaitereíva” (Éxodo 15:3, 4, NM).
¿Ivaípa Ñandejárape g̃uarã opaichagua gérra? Nahániri, upévarente haʼe voi ohundi vaʼekue umi ehípsiope. Ha heta vése opermiti avei umi isrraelítape oñorairõ umi ótro paisguándi. Por ehémplo, peteĩ vuéltape heʼi chupekuéra oñorairõ hag̃ua umi kananéondi, pórke iñañaitereíma hikuái (Deuteronomio 9:5; 20:17, 18). Rréi Davídpe avei heʼi vaʼekue oñorairõ hag̃ua umi filistéo kóntrape ha heʼi voi chupe mbaʼépa ojapo vaʼerã ogana hag̃ua upe gérra (2 Samuel 5:17-25).
Koʼã mbaʼe ohechauka porã Ñandejára oapoja hague umi gérra oĩ jave omaltrata térã ombohasa asýva umi isrraelítape, péicha oprotehe chupekuéra osegi hag̃ua oadora chupe. Péro, ¿oapojápa Ñandejára opaichagua gérra? Jahechamína mbohapy mbaʼe ñanepytyvõtava ñantende hag̃ua upéva.
-
ÑANDEJÁRA AÑOITE IKATU ODESIDI MÁVAPA OÑORAIRÕTA. Peteĩ vuéltape, Ñandejára heʼi umi isrraelítape natekotevẽmoʼãiha oñorairõ. ¿Mbaʼérepa? Pórke haʼe voi oñorairõta ifavorpekuéra (2 Crónicas 20:17; 32:7, 8). Ha ndahaʼéi unavénte ojapóva upéva, por ehémplo, ohundipa vaʼekue avei umi ehípsiope, jahecha haguéicha oñepyrũvo ko artíkulo. Avése katu Ñandejára omanda umi isrraelítape haʼekuéra oñorairõ hag̃ua, por ehémplo, oikétarõ guare hikuái pe Tiérra Prometídape ha avei oĩrõ guare ohundiséva chupekuéra (Deuteronomio 7:1, 2; Josué 10:40).
-
ÑANDEJÁRA AÑOITE IKATU ODESIDI ARAKAʼÉPA OÑEÑORAIRÕTA. Ñandejára la odesidi vaʼekue arakaʼetépa isiervokuéra oñorairõta ohundi hag̃ua umi iñañáva ha ombohasa asývape chupekuéra. Ha haʼekuéra ohaʼarõ vaʼerã kuri og̃uahẽ meve upe tiémpo, ndaikatúi vaʼekue ijeheguíntema oho oñorairõ iñenemigokuérandi. Ha oho jave hikuái gerrahápe ikuéntare, la Biblia ohechauka osẽ vaiha katuete pórke Ñandejára ndoapojái chupekuéra. *
-
Ñandejára oñorairõramo jepe umi kananéo kóntrape, operdona avei umi odesidívape okambia, por ehémplo Rahab ha ihentekuéra
ÑANDEJÁRA NDOIPOTÁI AVAVE OMANO. Ñandejára ningo opa mbaʼe Apohare ha omeʼẽ la vída enterovépe (Salmo 36:9). Upévare, haʼe ndoipotái avave omano. Lastimósamente heta oĩ iñañáva ha okalkuláva voi mbaʼéichapa ombohasa asýta térã ojukáta hapichápe (Salmo 37:12, 14). Ha avése Ñandejára opermiti oiko umi gérra oñehundi hag̃ua umichagua persónape. Upéicharõ jepe, haʼe opermitiha tiémpope umi isrraelítape oho gerrahápe, lomímonte ipasiénsia vaʼekue umi oñemoĩvare ipuévlore ha imbaʼeporã hendivekuéra (Salmo 86:15). Upévare heʼi umi isrraelítape omeʼẽ raẽ vaʼerãha oportunida umi héntepe okambia hag̃ua oho mboyve ohundi peteĩ siuda, ha ndahaʼéi ohóntema vaʼerã oñorairõ hendivekuéra (Deuteronomio 20:10-13). Péicha Ñandejára ohechauka ndoipotaiha umi iñañáva oñehundi, síno oipota haʼekuéra okambia ha osegi oikove (Ezequiel 33:11, 14-16). *
Koʼã mbaʼe ohechauka porã Ñandejára heta vése oipuru hague umi gérra ohundi hag̃ua umi hénte iñañáva ha oporombohasa asývape. Péro haʼe añoite la orekóva derécho odesidívo arakaʼépa oikóta umi gérra ha mávapa oñorairõta. Jahecha avei Ñandejára noñorairõiha oporojukaségui reínte, haʼe ningo ndochaʼeiete umi ivioléntovare (Salmo 11:5). Péro, ¿okambiápa raʼe Ñandejára opensa lája umi gérrare Jesús ou rire ko yvy ape ári?
^ párr. 7 Por ehémplo, peteĩ vuéltape heta isrraelíta omano vaʼekue ohórõ guare oñorairõ umi amalekíta ha kananéo kóntrape, pórke Ñandejára oavisa porã kuri chupekuéra ani hag̃ua oho (Números 14:41-45). Heta tiémpo upe rire, rréi Josías oho avei peteĩ gerrahápe ikuéntare ha upéva káusare omano (2 Crónicas 35:20-24).
^ párr. 8 Umi kananéo oreko vaʼekue oportunida 400 áñore okambia hag̃ua. Upévare umi isrraelíta oñorairõntema hendivekuéra pórke ojekuaáma nokambiamoʼãiha voínte hikuái kómo puévlo (Génesis 15:13-16). Ñandejára odesidíma oñehundietémante vaʼerãha chupekuéra. Upéicharõ jepe, oĩ vaʼekue avei ijapytepekuéra odesidíva okambia ha upévare ojesalva (Josué 6:25; 9:3-27).
Koʼã téma ikatu ndegusta avei
LA BIBLIA: MBAʼÉPA OIKUAAUKA ÑANDÉVE?
Israel oike Canaánpe
¿Mbaʼérepa Ñandejára nohundíri Rahab ha ifamíliape umi isrraelíta ojagarrárõ guare Jericó?
ÑEMAÑAHA
“Hese ojeʼe vaʼekue hekojojaha”
¿Mbaʼérepa Rahab ehémplo ohechauka Jehová omombaʼeha enterovépe? ¿Ikatúpa jajerovia haʼe ojerovia haguéicha?
ÑEMAÑAHA
Ñandejára oporokastiga: ¿heʼisépa upéva iñañaha?
Ñambohovái hag̃ua ko porandu ñahesaʼỹijóta mokõi mbaʼe Ñandejára ojapo vaʼekue: Noé tiémpope omboúrõ guare pe ama guasu, ha ojukapárõ guare umi Canaanguápe.
