Gail, siusin­nerusuk­kut eq­qaaneqar­toq, uimi Rober­tip toquneranik qaangiisin­naanerminik qularutigin­nit­toq eq­qarsaatigiuk. Maan­na Guutip silarsuas­saani nutaami takunis­saa qilanaaraa. Ima oqalut­tuar­poq: “Saq­qum­mersitat 21:3, 4-lu al­las­simaf­fin­ni nuan­nariner­paasaraak­ka.” Tas­sani al­las­simavoq: “[Guuti] nam­mineq taak­kunaniik­kumaar­poq. Qul­liil­lu tamaasa isaan­nit al­lar­terumaar­pai, toqulu peeruk­kumaar­poq, aliasut­toqarun­naarlunilu nil­liasoqarun­naarlunilu an­niar­toqarun­naas­saaq siul­liit peermata.”

Gail ima oqar­poq: “Neriorsuut pitsaanerusumik oqaatigineqarsin­naan­ngilaq. Inuit asasamin­nik toquk­kut an­naasaqarsimasut asasamil­li siunis­sami takoq­qin­nis­saan­nik neriuuteqalersin­naanermik ilisiman­nin­ngitsut misigin­neqatigingaar­pak­ka.” Inuit Guutip siunis­sami ‘toqup peeruk­kumaar­neranik’ neriorsuutaanik oqalut­tuut­tarlugit Gail pif­fis­saq tamaat oqaluus­sisar­nermigut up­perisaminut naaper­tuut­tumik iliuuseqar­tar­poq.

‘Taman­na up­periuminaap­poq,’ im­maqa eq­qarsar­putit. Angul­li Jobimik atilik eq­qarsaatigiuk. Taan­na perulul­luin­nar­poq. (Jobi 2:7) Toquin­narusuk­kaluarluni Guutip nunami inuunis­samut makitis­sin­naagaani Jobip up­peraa. Qular­nani ima oqar­poq: ‘Qanor­toq unerif­fim­mi toq­qoringa. ... Taava qaaq­qusis­sasutit, uangalu akis­sagik­kit, as­savit piliaat taava kajungerilis­sagit.’ (Jobi 14:13, 15, tastamantitoĸaĸ) Guutimi maqaasis­sagaani makitik­kusungaaraanilu Jobip qularin­ngil­luin­nar­paa.

Qanit­tuk­kut nunarsuaq man­na paratiisin­ngor­pat Guuti – Jobimut al­lar­pas­suar­nul­lu – taamaalius­saaq. (Lukasi 23:42, 43) Apustilit Suliaat 24:15-imi al­las­simavoq “toqusut makik­kumaar­tut”. Jiisusip ima neriorsor­paatigut: “Taman­na tupigusuutigis­san­ngilarsi; pif­fis­sarmi nal­liuk­kumaar­poq ilivermiit­tut tamarmik taas­suma nipaanik tusarumaarfis­saat iliver­nil­lu aniumaarfis­saat.” (Johan­nesi 5:28, 29) Neriorsuutip tamatuma eq­quun­nera Jobip misigis­savaa. Jobi “[inuusuk­kal­lar­nermisut] nukit­torumaar­poq inuusun­nermi ul­luinisut ileq­qil­luni”. (Jobi 33:24, 25) Inuit tamarmik Guutip nal­lit­tuingaar­nermini nunarsuarmi inuunermut makititsinermik aaq­qis­suus­saanik qujamasuutigin­nit­tut taman­na misigisin­naavaat.

Asasan­nik toquk­kut an­naasaqarsimaguit paasis­sutis­sat sam­meriik­kat­ta aliasun­nerit piivis­sin­naan­ngilaat. Biibilimili Guutip neriorsuutaasa eq­qarsaatigeq­qis­saar­nerisigut neriuuteqalersin­naavutit ingerlaq­qin­nis­san­nul­lu nukis­saqalerlutit. – 1 Thes­salonikamiut 4:13.

Aliasun­nerup naam­magalugu ator­nis­saa pil­lugu paasisaqar­nerorusup­pit? Imaluun­niit al­lanik apeq­qutis­saqar­pit, soorlu imaat­tumik: “Sooq Guutip ajus­suseq naal­liuutil­lu akuerai?” Taava nit­tar­tagar­put, jw.org/kl, alak­karuk paasiumal­lugu Biibili qanoq tup­pal­lersaatis­saqarlunilu iluaqutaasunik akis­sutis­saqar­toq.