Tera ae Taekinaki n te Baibara?
Iai aran te Atua?
A TAKU TABEMWAANG bwa akea arana, ao tabeman a taku bwa te Atua ke te Uea, ma bon iai naba aika taku bwa e bati aran te Atua Tera ngkoe am iango?
AE TAEKINAKI N TE BAIBARA
“IEHOVA aram, ba bon ti Ngkoe Teuare Moan te Rietata i aonaba ni bane.”—Taian Areru 83:18, BG
TERA RIKI REIREIARA MAN TE BAIBARA?
E ngae ngke e bati nakoan te Atua ma bon tii teuana arana.—Te Otinako 3:15.
Bon iai te Atua, ao e tangirira bwa ti na kinaa.—Mwakuri 17:27.
Ataakin aran te Atua bon te moani mwaneka nakoni karekean te reitaki ae kaan ma ngaia.—Iakoba 4:8.
E kairua taboan aran te Atua?
TERA AM KAEKA?
Eng
E aki
Tao
AE TAEKINAKI N TE BAIBARA
“Ko na tai atonga aran Iehova ae Atuam ni bakanrereia.” (Te Otinako 20:7, BG) E tii bure kabonganaan aran te Atua n te tai are e kabonganaaki iai ma te aki karinerine.—Ieremia 29:9.
TERA RIKI REIREIARA MAN TE BAIBARA?
E ataa aran te Atua Iesu ao e kabongana.—Ioane 17:25, 26.
E kaoira te Atua bwa ti na weteia n arana.—Taian Areru 105:1.
A kataia taani kairiribai nakon te Atua ni kairiia aomata bwa a na mwanuokina aran te Atua.—Ieremia 23:27.
Ko Bae Naba n Tangira
REIREI AIKA RANGI NI KAKAWAKI N TE BAIBARA
Iai Aran te Atua?
A bati nakoan te Atua n aron, Moan te Mwaaka, te tia Karikiriki, ao te Uea. Ma e kabonganaaki aran te Atua 7,000 tabun te tai n te Baibara.
TITIRAKI AIKA KAEKAAKI MAN TE BAIBARA
Iraua Aran te Atua?
A kona n iangoia tabemwaang ae e irekereke aran te Atua ma ‘Allah,’ ‘Arebwa ao Omeka,’ ‘El Shaddai,’ ao ‘Iehova-Iira.’ E aera ngkai e kakawaki aroni wetean aran te Atua?
TITIRAKI AIKA KAEKAAKI MAN TE BAIBARA
Aran te Atua Iesu?
E tuai man taekinna Iesu bwa te Atua ae Moan te Mwaaka ngaia. Bukin tera?
