Osho Ombiibeli tai ti?
Mbela Kalunga oku na edina?
OVANHU VAMWE OHAVA TI kutya ke na edina, vamwe ohava ti edina laye oKalunga ile Omwene, natango vamwe ohava ti kutya Kalunga oku na omadina mahapu. Mbela ove oto ti ngahelipi?
OSHO OMBIIBELI TAI TI
“Vo va kale, ve shi koneka, nokutya Ove ou to ifanwa Jehova, Ove auke u li po Omukombadambada medu alishe.” — Epsalme 83:19, yelekanifa novelishe 18 mOmbiibeli yo-NW.
OSHIKE VALI HATU LIHONGO MOMBIIBELI?
Nonande Kalunga oku na omadinafimaneko mahapu, oku na edina olo e liluka ye mwene. — Exodus 3:15, NW.
Kalunga okwa hala tu mu shiive nawa. — Oilonga 17:27.
Opo tu pange oukaume naKalunga, tete otwa pumbwa okushiiva edina laye. — Jakob 4:8.
Mbela osha puka okutumbula edina laKalunga?
OTO TI NGAHELIPI?
Heeno
Ahowe
Ile oshe likolelela konghedi omo to li popi
OSHO OMBIIBELI TAI TI
“Edina lOmwene Kalunga koye, ino li tumbulila ongaho.” (Exodus 20:7) Osha puka ashike okulongifa edina laKalunga monghedi oyo itai mu fimanekifa. — Jeremia 29:9.
OSHIKE VALI HATU LIHONGO MOMBIIBELI?
Jesus okwa kala e shii noha longifa edina laKalunga. — Johannes 17:25, 26.
Kalunga okwe tu lombwela kutya natu ifane edina laye. — Epsalme 105:1.
Ovatondi vaKalunga otava kendabala okuningifa ovanhu va dimbwe filufilu edina laye. — Jeremia 23:27.
Otashi dulika yo u hafele oikundafanwa ei
OMAHONGO OMBIIBELI A FIMANA
Mbela Kalunga oku na ngoo edina?
Kalunga oku na omadinafimaneko mahapu, ngaashi Omunaenghono adishe, Omushiti nosho yo Omwene. Ashike edina laKalunga ola holoka mOmbiibeli lwoikando i dulife po 7 000.
OMAPULO OPAMBIIBELI A NYAMUKULWA
Kalunga oku na omadina angapi?
Ovanhu otashi dulika va diladile kutya Kalunga oku na omadina oo a kwatela mo ‘Allah,’ ‘Alfa naOmega,’ ‘El Shaddai,’ nosho yo ‘Jehova-Jire.’ Omolwashike sha fimana okushiiva edina laKalunga?
