Seo Bibele e se Buang
Lebitso la Molimo ke mang?
BATHO BA BANG BA LUMELA hore ha a na lebitso, ba bang ba re ke Molimo kapa Morena, ba bang bona ba re o na le mabitso a mangata. Uena u re’ng?
SEO BIBELE E SE BUANG
“Uena u le mong u Ea Phahameng ka ho Fetisisa holim’a lefatše lohle.”—Pesaleme ea 83:18.
SEO RE ITHUTANG SONA HAPE BIBELENG
Le hoja Molimo a na le litlotla tse ngata, o iphile lebitso le le leng.—Exoda 3:15.
Molimo o batla hore re mo tsebe.—Liketso 17:27.
Haeba re batla ho ba metsoalle ea Molimo, re lokela ho qala pele ka ho tseba lebitso la hae.—Jakobo 4:8.
Na ho fosahetse ho bitsa Molimo ka lebitso?
UENA U RE’NG?
E
Che
Mohlomong
SEO BIBELE E SE BUANG
“U se ke ua sebelisa lebitso la Jehova Molimo oa hao ka tsela eo e seng ea bohlokoa.” (Exoda 20:7) Ho fosahetse ho sebelisa lebitso la Molimo ka tsela e sa hlompheheng.—Jeremia 29:9.
SEO RE ITHUTANG SONA HAPE BIBELENG
Jesu o ne a tseba lebitso la Molimo ’me a le sebelisa.—Johanne 17:25, 26.
Molimo o batla hore re mo bitse ka lebitso. —Pesaleme ea 105:1.
Lira tsa Molimo li leka ho lebatsa batho lebitso la hae.—Jeremia 23:27.
Mohlomong u ka Rata le
ESSENTIAL BIBLE TEACHINGS
Na Molimo o na le Lebitso?
Molimo o na le litlotla tse ngata, tse kang Ea Matla ’Ohle, ’Mōpi le Morena. Empa lebitso la Molimo le hlaha ka makhetlo a ka bang 7 000 ka Bibeleng.
LIPOTSO TSA BIBELE LIA ARAJOA
Molimo o na le Mabitso a Makae?
Batho ba ka ’na ba nahana hore mabitso a Molimo a mangata, ’me a mang a ’ona ke ‘Allah,’ ‘El Shaddai,’ ‘Jehovah-Jire’ le ‘Alfa le Omega.’ Na hoa tsotelleha hore na re bitsa Molimo eng?
LIPOTSO TSA BIBELE LIA ARAJOA
Na Lebitso la Molimo ke Jesu?
Ha ho mohla Jesu a kileng a ipitsa Molimo ea Matla ’Ohle. Hobane’ng?
BOPHELO BA BETHELE
Pontšo e Ikhethang ea Bibele
Ho tloha qalong ea histori, Jehova Molimo o ile a senolela batho lebitso la hae. Bona kamoo lebitso la Molimo le ileng la sireletsoa kateng ha ho fetoleloa Libibele ho theosa le lilemo.
