MAY MGA NASIRING nga waray hiya ngaran, an iba nasiring nga an iya ngaran Dios o Ginoo, samtang an iba nasiring nga damu an iya ngaran. Ano an imo opinyon mahitungod hini?

KON ANO AN GINSISIRING HAN BIBLIA

“Ikaw la, nga an ngaran hi Jehova, amo an Gihitaasi ha bawbaw han tuna.”​—Salmo 83:18.

ANO PA AN ATON MAHIBABAROAN HA BIBLIA?

• Bisan kon damu an titulo han Dios, gintagan niya an iya kalugaringon hin usa la nga ngaran.​—Eksodo 3:15.

• Diri misteryo an Dios; karuyag niya nga makilala naton hiya.​—Buhat 17:27.

• An paghibaro han ngaran han Dios amo an siyahan nga pitad ha pakigsangkay ha iya.​—Santiago 4:8.

ANO AN IMO BATON?

• Oo

• Diri

• Depende

KON ANO AN GINSISIRING HAN BIBLIA

“Diri mo ngaranan an ngaran ni Jehova nga imo Dios hin kawang la.” (Eksodo 20:7) Sayop an paggamit han ngaran han Dios kon gagamiton la ito ha waray pulos nga paagi.​—Jeremias 29:9.

ANO PA AN ATON MAHIBABAROAN HA BIBLIA?

• Maaram hi Jesus han ngaran han Dios ngan gin-gamit niya ito.​—Juan 17:25, 26.

• Gin-aaghat kita han Dios nga tawagon naton hiya ha iya ngaran.​—Salmo 105:1.

• Nangangalimbasog an mga kaaway han Dios nga kalimtan han mga tawo an iya ngaran.​—Jeremias 23:27.