UGA MENURUTNDU? Iblis e . . .

• Mahluk roh?

• Sifat si jahat i bas diri sekalak jelma?

• Khayalen manusia?

UGA NINA PUSTAKA SI BADIA:

Jesus ngerana ras Iblis janah ia ”icubai” Iblis. (Matius 4:1-4) Jadi, Iblis labo khayalen, ntah pe labo ngelambangken sifat si jahat i bas diri sekalak jelma. Ia mahluk roh si jahat.

KAI KA SI BANCI SIPELAJARI I BAS PUSTAKA SI BADIA?

• Tangtangna Iblis eme malekat si mehuli, tapi ”la pernah ikapitina si benar”. (Johanes 8:44) Dungna ia jadi perbual janah mberontak man Dibata.

• Malekat-malekat si deban pe ikut mberontak man Dibata.​—Ketangkasen 12:9.

• Ipepentang Iblis jelma si nterem gelah kalak tek maka Iblis e la lit.​—2 Korinti 4:4.

NINA PIGA-PIGA KALAK Iblis e la banci ngatur kalak, tapi lit ka si mbiar i seluki roh jahat. Adi kam uga?

UGA NINA PUSTAKA SI BADIA:

”Kerina doni enda lit i bas kuasa si Jahat e.” (1 Johanes 5:19) Mbelin kal tuhu pengaruh Iblis nandangi manusia, tapi la banci iaturna kerina manusia.

KAI KA SI BANCI SIPELAJARI I BAS PUSTAKA SI BADIA?

• Iblis nggunaken tipun guna nesatken manusia.​—2 Korinti 11:14.

• Maun-maun mahluk roh si jahat banci ngatur jelma.​—Matius 12:22.

• Alu penampat Dibata, kam banci berhasil ’ngelawan Iblis’.​—Jakup 4:7.