HARIÑAGUÑA HAMUGA SAN ...

• ... aban lan sífiri?

• ... aban lan sínbolu lánina wuribani le wádanbei?

• ... aban lan katei le saminarügü hamuti gürigia?

LE TARUFUDAHABEI BÍBÜLIA

Ayanuhati Mafia luma Hesusu ani hóuchagua lumuti lun maganbadi lan lun Bungiu (Matéu 4:1-4). Ligíati, mama aban katei le saminarügü wamuti ni aban sínbolu lánina wuribani. Aban sífiri inarüniti ani salufuriti Mafia.

KA AMU KATEI TARUFUDAHABEI BÍBÜLIA?

• Ariñagatu aban lan meha ánheli buiti Mafia, gama lumoun “márügüdünti luéigiñe inarüni” (Huan 8:44). Aba marasualugu haali lan ebedaagua ligía lun Bungiu.

• Óundaratiña amu ánheligu lumoun Satanási lidan lebedaagun (Arufudúni 12:9).

• Adügati Mafia lun mafiñen hamá gürigia aban lan sífiri inarüniti ligía (2 Korintuna 4:4).

AÑAHEIN SAMINATIÑA iyeeni lan lira, ani añahein amu hanufudetiña luéi hebelurun máfianu hadoun. Agia huguya, ka hisaminanbei?

LE TARUFUDAHABEI BÍBÜLIA

“Lábugiñeñanu lan lubafu Mafia sun ha lánigubaña ubóu” (1 Huan 5:19). Wéiriti lubafu Mafia luagu burí katei le hadügübei gürigia, gama lumoun, siñati lagumadiruniña súngubei.

KA AMU KATEI TARUFUDAHABEI BÍBÜLIA?

• Ariñagatu yeeda lumutiña lan Mafia gürigia lúntima gabafu lan hawagu (2 Korintuna 11:14).

• Anihein dan hárügüdün máfianu ubafu luagu somu gürigia (Matéu 12:22).

• Lau lídehan Bungiu, gayaraati “gagibugua humá luma Mafia” sefu huguyame luéi (Santiagu 4:7).