ZEITINDAH NA RUAH? Khuachia timi cu . . .

• Thlarau minung maw?

• Minung lung chung i a ṭhalomi ruahnak maw?

• Minung nih phuahchommi maw?

BAIBAL CAWNPIAKMI

Khuachia cu Jesuh he an i chawn i Jesuh kha a rak “tukforh.” (Matthai 4:1-4) Cucaah Khuachia timi cu phuahchommi le minung lung chung i a ṭhalomi ruahnak kha si loin a ṭhalomi thlarau minung pakhat a si.

BAIBAL IN KAN CAWN KHAWH RIHMI

• Khuachia cu a hramthawk ah a thiangmi vanmi pakhat a rak si. Asinain “biatak kha zeitikhmanh ah a ṭanh bal lo.” (Johan 8:44) Anih cu mi lihchim a hung si i Pathian kha a hun ralchanh.

• A dang vancungmi zong Satan lei ah an ṭang i Pathian kha an hun ralchanh ve. —Biathlam 12:9.

• Khuachia nih amah a um kha mi nih an hngalh nakhnga lo a hlen hna.—2 Korin 4:4.

MI CHEUKHAT ZUMHNING Khuachia nih uk timi cu hlennak pakhat a si tiah a ruatmi an um bantukin Khuachia nih a kan uk lai i harnak a kan pek lai ti a phangmi zong an um. Nangtah zeitindah na ruah?

BAIBAL CAWNPIAKMI

“Vawlei hi a pumpi in mi ṭhalopa kut tangah a um.” (1 Johan 5:19) Khuachia cu minung cungah huham a ngei kho tuk ko nain mikip kha cu a uk kho hna lo.

BAIBAL IN KAN CAWN KHAWH RIHMI

• Mi cungah huham a ngeih khawh deuh nakhnga khuachia nih mi kha a hlen hna.—2 Korin 11:14.

• Thil sining cheukhat ah thlarau ṭhalo hna nih mi kha an uk khawh.—Matthai 12:22.

• Pathian bawmhnak thawngin “Khuachia kha” na “doh” khawh ko.—Jeim 4:7.