¿Chuqui miʼ yʌl jiñi Biblia?
¿Majqui o chuquiyes jiñi Diablo?
¿MU BAʼ WΛL CHAʼAN jiñi Diablo jiñʌch...
... juntiquil pʼʌtʌl bʌ ángel?
... jumpʼejl jach i yejtal mach bʌ weñic am bʌ ti lac malil?
... mucʼ jach bʌ laj qʼuel ti lac pensar?
MUʼ BΛ I YΛL JIÑI BIBLIA
Jiñi Diablo tsiʼ pejca Jesús yicʼot tsiʼ ñopbe i pusicʼal (Mateo 4:1-4). Mach juntiquilic mucʼ jach bʌ laj qʼuel ti lac pensar i mach jiñic jach yom i yʌl jiñi mach bʌ wentaquic ti lac tojlel. Añʌch jiñi Diablo yicʼot wen jontol.
¿CHUQUI MIʼ BEJ AL MAJLEL JIÑI BIBLIA?
Ti ñaxan juntiquilʌch wem bʌ ángel, pero «maʼanic tsaʼ chʌn ajni tiʼ sujmlel» (Juan 8:44). Tsaʼ sujti ti xlot yicʼot tsiʼ chanʼesa i bʌ ti Dios.
Yambʌ ángelob tsiʼ temeyob i bʌ yicʼot Satanás chaʼan miʼ contrajiñob Dios (Apocalipsis [Revelación] 12:9).
Jiñi Diablo miʼ yʌqʼuen i ñaʼtan jiñi quixtañujob chaʼan maʼañic (2 Corintios 4:4).
¿Am ba ti cʼʌb Diablo jiñi quixtañujob?
AN QUIXTAÑU MUʼ BΛ I ÑOPOB chaʼan jumpʼejl jach cuento, yañoʼ bʌ miʼ bʌcʼñañob chaʼan miʼ yochel xiba tiʼ tojlelob. ¿Chuqui maʼ ñaʼtan jatet?
MUʼ BΛ I YΛL JIÑI BIBLIA
«Pejtelel i chaʼañoʼ bʌ pañimil añob tiʼ cʼʌb jini xjontolil» (1 Juan 5:19). Cabʌl muʼ bʌ i melob quixtañu chucul ti Diablo, pero maʼañic miʼ mejlel i chʼʌm tiʼ wenta tiʼ pejtelel quixtañujob.
¿CHUQUI MIʼ BEJ AL MAJLEL JIÑI BIBLIA?
Miʼ yʌl chaʼan jiñi Diablo miʼ cʼʌn lot tac chaʼan miʼ ñumen lotin quixtañujob (2 Corintios 11:14).
An i tajol jiñi xibajob miʼ mejlelob ti ochel tiʼ tojlel quixtañu (Mateo 12:22).
Tiʼ coltaya Dios, miʼ mejlel lac ñajtʼesan lac bʌ ti Diablo yicʼot mi lac loqʼuel tiʼ tojlel (Santiago 4:7).
Miʼ mejlel a qʼuel jaʼel iliyi
CʼAJTIYA TAC CHAʼAN BɅ BIBLIA
¿Am ba jiñi Diablo?
¿Añʌch ba jiñi Diablo o jin jach yom i yʌl jiñi jontolil am bʌ ti lac tojlel?
