NDI ỌKPỌDỌHỌ ke Devil . . .

• Edi spirit?

• Edi idiọkn̄kpọ emi odude owo ke esịt?

• Edi se owo ekerede?

SE BIBLE ỌDỌHỌDE

Devil ama enyene nneme ye Jesus onyụn̄ ‘odomo’ enye idomo. (Matthew 4:1-4) Ntre, Devil idịghe se owo ekerede, inyụn̄ idịghe idiọkn̄kpọ emi odude owo ke esịt. Enye edi ata idiọkowo emi nnyịn mîkemeke ndikụt.

NSO EN̄WEN KE BIBLE ỌDỌHỌ?

• Devil ekesidi eti angel, edi ‘enye ikọsọn̄ọke ida ke akpanikọ.’ (John 8:44) Enye ama akabade edi osu nsu onyụn̄ ọsọn̄ ibuot ye Abasi.

• Mme angel en̄wen ẹma ẹtiene Satan ẹsọn̄ ibuot ye Abasi.—Ediyarade 12:9.

• Devil iyakke ediwak owo ẹdiọn̄ọ ke imọ mmọdo.—2 Corinth 4:4.

NDUSỤK OWO ẸDỌHỌ ke Devil ikarake mme owo, edi mbon en̄wen ẹdọhọ ke ndiọi spirit ẹsitiene owo, ndien emi esinam mmọ ndịk. Afo ekere didie?

SE BIBLE ỌDỌHỌDE

“Ofụri ererimbot esịne ke idak odudu andidiọk.” (1 John 5:19) Kpa ye oro ofụri ererimbot esịnede ke idak odudu Devil, enye ikarake kpukpru owo.

NSO EN̄WEN KE BIBLE ỌDỌHỌ?

• Abian̄a ke Devil ada otụn ata ediwak owo usụn̄.—2 Corinth 11:14.

• Mme demon ẹsitụhọde ndusụk owo. —Matthew 12:22.

• Abasi ekeme ndin̄wam fi ‘ọbiọn̄ọ Devil.’ —James 4:7.