Biibilimi qanoq allassimasoqarpa?
Diaavulu kinaava imaluunniit suua?
OQASSAVIT Diaavulu tassaasoq ...
Anersaaq kinaassusilik?
Inuup qamuuna ajussusianut assersuutaasoq?
Inuit takorloortagaat?
AKISSUT BIIBILIMEERSOQ
Diaavulup Jiisusi oqaloqatigalugulu ‘usserpaa’. (Matthæusi 4:1-4) Taamaattumik Diaavulu takorluugaananilu ajussutsimut assersuutaanngilaq. Anersaajuvoq kinaassusilik ajortoq.
BIIBILIMIT SUNA ALLA ILIKKARSINNAAVARPUT?
Diaavulu aallaqqaammut inngiliuvoq illernartoq kingusinnerusukkut ‘ajortuliortoq’. (Ezekieli 28:14, 15) Sallutuunngorlunilu Guutimut pikitsitsivoq.
Inngilit allat Saatanip pikitsitsineranut ilaliupput. – Saqqummersitat 12:9.
Diaavulup piunini pillugu inuit tappiillisippai. – 2 Korinthimiut 4:4.
Diaavulup inuit aqussinnaavai?
INUIT ILAAT OQARTARPUT Diaavulup aqutsinera oqaluttualiaannaasoq, allalli anersaapiloqalernissartik ersigingaarpaat. Illit qanoq isumaqarpit?
AKISSUT BIIBILIMEERSOQ
Diaavulu tassaavoq “silarsuup matuma naalagaanera”. (Johannesi 12:31) Diaavulup inuiaat pissaaneqarfigingaaraluarlugit inuit tamarluinnaasa aqunngilai.
BIIBILIMIT SUNA ALLA ILIKKARSINNAAVARPUT?
Diaavulu sunniuteqarnerulerumalluni tammartitsiniaasarpoq. – 2 Korinthimiut 11:14.
Anersaapiluit inunnik aqutsilersinnaasarput. – Matthæusi 12:22.
Guutip ikiuineratigut iluatsittumik Diaavulu akiorsinnaavat. – Jaaku 4:7.
Soqutigisinnaasatit allat
APEQQUTIT BIIBILIMI AKINEQARTUT
Diaavulu kinaassusiliviua?
Diaavulu tassaaginnarpa ajussuseq inummiittoq, imaluunniit kinaassusiliviua?
APEQQUTIT BIIBILIMI AKINEQARTUT
Guutip Diaavulu pinngortippaa?
Saatani suminngaanneerpa? Paasiniaruk sooq Ezekielimi ‘ajortuliamik nassaarfigineqarnera’ oqaatigineqamisaartoq.
