Nani i Nkadi ampemba?
Nani i Nkadi ampemba?
AZEYI I MVUTU ZAKU? O Nkadi ampemba . . .
Vangwa kia mwanda?
I mbi ina muna muntu?
Mpasi ngindu za wantu?
ADIEYI NKAND’A NZAMBI UVOVANGA?
Nkadi ampemba wamokena yo ‘tonta’ Yesu. (Matai 4:1-4) Ozevo, Nkadi ampemba ke mpasi ngindu za wantu ko. Kansi, vangwa kia mwanda kiambi.
NKIA MAMBU MANKAKA TULENDA LONGOKA MU NKAND’A NZAMBI?
Kuna lubantiku, Nkadi ampemba mbasi ambote kakala. Kansi, “kasikila muna ludi ko.” (Yoane 8:44) Wakituka se mvuni yo kolamena Nzambi.
Mbasi zakaka bayikama Satana muna ukolami wandi.—Lusengomono 12:9.
Nkadi ampemba okuyiswekanga kimana wantu balembi zaya vo yandi muntu kieleka.—2 Korinto 4:4.
Nga Nkadi ampemba olenda yala o wantu?
AKAKA BEVOVANGA VO Nkadi ampemba kalendi yala wantu ko, kansi akaka bekwikilanga vo mianda miambi bena miau. Adieyi obenze?
ADIEYI NKAND’A NZAMBI UVOVANGA?
“Tuzeye wo vo kwa Nzambi tuvuilu, kansi e nza yawonso muna wisa kia ndiona wambi ina.” (1 Yoane 5:19) Kana una vo Nkadi ampemba oyalanga e nza yawonso, kalendi yala wantu awonso ko.
NKIA MAMBU MANKAKA TULENDA LONGOKA MU NKAND’A NZAMBI?
Nkadi ampemba osadilanga luvunu muna vukumuna wantu.—2 Korinto 11:14.
E vangwa yambi ya mwanda ilenda yala wantu.—Matai 12:22.
Muna lusadisu lwa Nzambi, olenda sia Nkadi ampemba “kitantu.”—Yakobo 4:7.