ЭМНЕ ДЕП ЖООП БЕРЕТ ЭЛЕҢЕР?

• Рух

• Адамдын ичиндеги жамандык

• Ойдон чыгарылган бирөө

ЫЙЫК КИТЕПТЕ ЭМНЕ ДЕЛЕТ?

Шайтан Иса Машаяк менен сүйлөшүп, аны азгырууга аракет кылган (Матай 4:1—4). Ал ойдон чыгарылган бирөө эмес, жөн эле жамандык да эмес. Ал — арам ойлуу каардуу рух.

ЫЙЫК КИТЕПТЕН ДАГЫ ЭМНЕЛЕРДИ БИЛҮҮГӨ БОЛОТ?

• Шайтан башында жакшы периште болгон, бирок «чындыктан четтеп кеткен» (Жакан 8:44). Ал жалганчы болуп калган жана Кудайга каршы чыккан.

• Шайтан тарапка башка периштелер да өтүп кеткен (Аян 12:9).

• Шайтан адамдарды өзүнүн жок экенине ишендиргиси келет (2 Корунттуктар 4:4).

АЙРЫМДАР ЭМНЕ ДЕШЕТ? Кээ бирлер Шайтан жана жин-перилер адамга таасир эте аларына ишенбейт, башкалар болсо адамды бийлеп алат деп коркот. Силер кандай ойдосуңар?

ЫЙЫК КИТЕПТЕ ЭМНЕ ДЕЛЕТ?

«Биз... бүт дүйнөнүн Шайтандын бийлиги астында экенин билебиз» (1 Жакан 5:19). Шайтандын жалпы адамзатка тийгизген таасири абдан күчтүү болсо да, бул ал ар бир адамды башкара алат дегенди билдирбейт.

ЫЙЫК КИТЕПТЕН ДАГЫ ЭМНЕЛЕРДИ БИЛҮҮГӨ БОЛОТ?

• Шайтан таасирин күчөтүш үчүн калпты колдонот (2 Корунттуктар 11:14).

• Жин-перилер айрым учурларда адамдарды бийлеп алышат (Матай 12:22).

• Кудайдын жардамы менен «Ибилиске каршы турса» болот (Жакып 4:7).