Kani Umusenseshi ni Nani Neli Cindo?
Kani Umusenseshi ni nani neli cindo?
KANI MUNGALABILA ATI umusensenshi . . .
Cilengelwe ca mupashi?
Cintu icimakaninako bumbifi ubuli mu muntu?
Cakwalakanya lukoso?
IFI BAIBOLO ILABILA
Umusenseshi alilabilepo na baYesu ne ‘kubesha.’ (Matayo 4:1-4) Popele, Umusenseshi talipo cakwalakanya lukoso, neli icintu icimakaninako bumbifi ubuli mu muntu. Cilengelwe ca mupashi.
FINDO FIMBI TUNGASAMBILILAMO MU BAIBOLO?
Pa kutanga, Umusenseshi ali ni nkalamba iiswetelele, pano “taemakanine muli bucine.” (Yoane 8:44) Alibeele wa kubeepa kabili aalifutukiile baLesa.
Inkalamba na shimbi shalifutukiile baLesa ne kulonda Satana.—Ukufisulula 12:9.
Umusenseshi alailengesha bumpofu imilangwe ya bantu bambi pakweba’ti bemwishiba.—2 AbaKolinto 4:4.
Kani Umusenseshi alikwete amakosa aakutangilila abantu?
BAMBI BALALABILA ati ukutangililwa na Umusenseshi lyashi lya bufi, eli bambi nabo balatiina makosa ukutangililwa ne fibanda. Mulalangulukapo shani?
IFI BAIBOLO ILABILA
“Icalo ca panshi conse cililele muli yeyo-mbifi.” (1 Yoane 5:19) Umusenseshi alatangilila abantu abakuti ubwingi, pano tatangililapo bonse.
FINDO FIMBI TUNGASAMBILILAMO MU BAIBOLO?
Umusenseshi alapyungisha ubufi pa kutumpaika abantu.—2 AbaKolinto 11:14.
Ifibanda fingakwata amakosa pa bantu bambi.—Matayo 12:22.
Kani baLesa bamofweniko, mungakonsha ‘ukuciicila Umusenseshi.’—Jakobo 4:7.
