Lelo I Bika Binena Bible?
Lelo Dyabola i ani nansha i bika?
LE ABE AMBA Dyabola i . . .
Muntu wa ku mushipiditu?
Kyelekejo kya bubi budi mu muntu?
Kintu kilupukile ku mifwatakanyo ya bantu?
BINENA BIBLE
Dyabola wēsambile na Yesu ne ‘kumutompa.’ (Mateo 4:1-4) Nanshi Dyabola ke kintupo kya kufwatakanya, kadi ke kyelekejopo kya bubi. I muntu mubi wa ku mushipiditu?
LE I BIKA BIKWABO BYOTUBWANYA KWIFUNDA MU BIBLE?
Ku ngalwilo Dyabola wādi mwikeulu ujila, inoko “kāimanijepo mu bubine.” (Yoano 8:44) Wāikala mbepai kadi wātombokela Leza.
Bamwikeulu bakwabo bēlunga na Satana mu butomboki. —Kusokwelwa 12:9.
Dyabola usabanga bavule meso bamone amba kadi’kopo.—2 Kodinda 4:4.
Le Dyabola ubwanya kuludika bantu?
BAMO BANENA AMBA kuludikwa na Dyabola i bubela, bakwabo nabo bakaminwe kukwatwa na mishipiditu mibi. Le ulanga’po namani?
BINENA BIBLE
“Ntanda yonsololo idi mu makasa a yewa umbi.” (1 Yoano 5:19) Dyabola udi na lupusa lukatampe pa bantu, ino kaludikangapo muntu ense.
LE I BIKA BIKWABO BYOTUBWANYA KWIFUNDA MU BIBLE?
Dyabola pa kubaija lupusa lwandi ongolañananga.—2 Kodinda 11:14.
Kyaba kimo mishipiditu imbi ibwanya kuludika bantu.—Mateo 12:22.
Ukokeja kunekenya bulwi bolwa “na Dyabola” shi Leza wakukwasha.—Yakoba 4:7.
Tala'po Bidi ne Bino:
BIPANGUJO BYA MU BIBLE BILONDOLWELWE
Le Bandemona Badi’ko Bine?
Le bandemona i bāni? Le bātambile kwepi?
BIPANGUJO BYA MU BIBLE BILONDOLWELWE
Le Dyabola Udi’ko Bine?
Le Dyabola i musoñanya mubi udi mu bantu, nansha i muntu udi’ko bine?
BIPANGUJO BYA MU BIBLE BILONDOLWELWE
Lelo Leza Wāpangile Dyabola?
Le Satana wātambile kwepi? Wifunde kine kyānenene Yesu amba Dyabola “kāimenepo mu bubine.”
BIPANGUJO BYA MU BIBLE BILONDOLWELWE
Le Dyabola Ubwanya Kuludika Bantu?
Le Dyabola ubwanya kwikala na lupusa pa bantu namani, ne ukaleka kupya mu makinga andi namani?
