Diyabolu Hinyi?
Indi Diyabolu hinyi?
MUNATELI KUHOSHA NENU Diyabolu . . .
Himuntu wakuspiritu?
Hiyuma yatama yekala mudi muntu?
Hiyuma yafumaña muyitoñojoka yamuntu?
CHAHOSHAÑA BAYIBOLU
Diyabolu wahosheli naYesu nawa ‘wamwesekeli.’ (Matewu 4:1-4) Dichi Diyabolu bayi neyi hichifwikija hela chuma chatamaku. Himuntu watama wakuspiritu.
YUMANYI YIKWAWU YITWATELA KUDIZA MUBAYIBOLU?
Hatachi, Diyabolu wadiña kañelu wajila, ilaña ‘hemeneña munsañu yalalaku.’ (Yowanu 8:44) Wekalili mukwakutwamba nawa wadikañili naNzambi.
Atuñelu amakwawu adikañili nakudimbomba kudi Satana.—Chimwekeshu 12:9.
Diyabolu naputishi antu amavulu abuli kwiluka nawu wekala kwoku.—2 Akorinda 4:4.
Komana Diyabolu nateli kuyuula antu?
ANTU AMAKWAWU AHOSHAÑA NAWU chiyuulu chaDiyabolu hikafuta, amakwawu achinaña maspiritu atama kuyiyuula. Mwatoñojokaña nenudi?
CHAHOSHAÑA BAYIBOLU
“Mpata yamunu mwishina yashakamaña mudi owu watama.” (1 Yowanu 5:19) Diyabolu wukweti ñovu yakuluwañesha antu chikupu, ilaña hayuulaña antu ejimaku.
YUMANYI YIKWAWU YITWATELA KUDIZA MUBAYIBOLU?
Diyabolu wazatishaña kutwamba hakwila yasweji kuluwañesha.—2 Akorinda 11:14.
Aspiritu atama mpinji jikwawu ayuulaña antu.—Matewu 12:22.
Nawukwashu waNzambi munateli ‘kudikaña naDiyabolu.’—Yakoba 4:7.