¿Wiˈixë Biiblyë jyënaˈany?
¿Pënën Mëjkuˈu o ti yëˈë?
¿MJËNÄˈÄNËP KO Mëjkuˈu...
... yëˈë tuˈugë jäˈäy diˈib kyaj yaˈixy?
... yëˈë tuˈugë axëkˈäjtën diˈib nmëdäjtëm jodoty?
... yëˈë diˈib nëgoobë yajpawinmaapy?
BIIBLYË JYËNAˈANY
Mëjkuˈu ojts myaytyaˈaky mëdë Jesus ets jyatukmëduundëgoyanë Dios (Matewʉ 4:1-4). Pääty kyaj yëˈëjëtyë axëkˈäjtën diˈib nmëdäjtëm jodoty. Jantsy taaˈäjtpë duˈun ets mëk axëkjäˈäy.
¿WIˈIXË BIIBLYË YˈAKJËNÄˈÄNY?
Jyënaˈany ko Mëjkuˈu yëˈë nety tuˈugë anklës diˈib oyjyaˈay, per “kyaj ti [ttuuny] diˈibë tëyˈäjtën” (Fwank 8:44). Nyiwäämbajtë Dios ets kyaj tnekymyëmëdooy.
Nan ojts niganäägë anklës tpuwäˈägëdë Satanás (Diˈibʉ Jatanʉp [Apocalipsis] 12:9).
Mëjkuˈu tyukmëbëjkypyë jäˈäy ko yëˈë kyaj jyaˈˈaty (2 Korintʉ 4:4).
¿Mbäädë Mëjkuˈu tijaty ttuktunyë jäˈäy?
NÄÄGË JÄˈÄY JYËNÄˈÄNDË ko kyaj tyëyˈäjtënëty, ets nääk jyantsy tsyëˈkëdëp ko kaˈoybyë tyuktëkëdët. Mijts, ¿wiˈix mˈokwinmay?
BIIBLYË JYËNAˈANY
“Naxwinyëdë jäˈäy yˈity mä ja axëëkpë dyajtunyë myëkˈäjtën” (1 Juan 5:19, TNM). Mëjkuˈu yajtuumbyë myëkˈäjtën mä naxwinyëdë jäˈäy, per kyaj mbäät niˈamukë ttuktuny ti yëˈë tsyejpy.
¿WIˈIXË BIIBLYË YˈAKJËNÄˈÄNY?
Jyënaˈany ko Mëjkuˈu winˈëˈëmp parë niˈigyë dyajtunyë myëjää (2 Korintʉ 11:14).
Näˈätyë kaˈoybyë mbäät ttunyë jäˈäy wiˈix yëˈë ttseky (Matewʉ 12:22).
Mëdë Diosë nyaybyudëkë, mijts mbäät xyjëjpkuwäˈägë Mëjkuˈu ets mˈawäˈätspëtsëmët (Santya̱ˈa̱gʉ 4:7).
