Uzye Baibo Ikalandapo Uli?
Uzye Ciwa a weni nanti cili cani?
UZYE MUNGATI Ciwa . . .
U mupasi usyaloleka?
I viipe ivyaya umu mwenzo wa muntu?
I cintu cimwi ica kwelenganya sile?
VINO BAIBO IKASAMBILIZYA AEVI:
Ciwa walanzyanyizye na Yesu nu ‘kumutunka.’ (Mateo 4:1-4) Fwandi Ciwa asi i cintu cimwi ca kwelenganya sile, nanti unkolanya wa vintu iviipe. Ciwa u mupasi wipe usyaloleka.
NA VYUZE VINO TUKASAMBILILA MULI BAIBO
Apa kutandika Ciwa wali u mungeli wa muzilo, lelo atatwalilile ukuya mu “cumi.” (Yoane 8:44) Watandike ukusomba nupya wapondokile na Leza.
Angeli na yauze yapondwike iyaya pamwi na Satana.—Umbwilo 12:9.
Ciwa walenga antu aingi ukuti yatamanya icumi.—2 Kolinto 4:4.
Uzye Ciwa angatungulula antu?
ANTU YAMWI YAKATI citanga cicitike ukutungululwa na Ciwa, lyene yauze nayo yakaatina imipasi ya nkota. Nga mwemo mukaelenganyapo uli?
VINO BAIBO IKASAMBILIZYA AEVI:
“Insi yonsi ili pisika lya utesi wa mwipe.” (1 Yoane 5:19) Acino Ciwa waya na maka akutungulula antu, nomba asi yonsi yano akatungulula.
NA VYUZE VINO TUKASAMBILILA MULI BAIBO
Ciwa akaomvya usomvi pakuti aponzye antu angi.—2 Kolinto 11:14.
Imipasi ya nkota nayo kwene insita zimwi ingatungulula antu.—Mateo 12:22.
Leza angamwavwa ukuti “mwakanya Ciwa.” —Yakobo 4:7.
Nkulenga mukantumile ibuku lyakuti Uzye Baibo Ikasambilizya Ukuti Uli?
Limwi Mungatemwa Ukulolako na Vii
MASUKO KU MAUZYO AMULI BAIBO
Uzye Ciwa Akuno Waya
Uzye Ciwa i miyele sile iyaya umu yantunze nanti akuno waya umu cumicumi?
MASUKO KU MAUZYO AMULI BAIBO
Uzye Leza U Wapanzile Ciwa?
Aekwi kuno Satana wafumile? Sambililini umulandu uno Yesu walandiile ukuti Ciwa “atikala mwa cumi.”
