Y NA N LEOKAME t’a Sʋɩtãan yaa . . .

• malɛk bɩ?

• wẽngã sẽn be ninsaal sũurẽ wã bɩ?

• bɩ a pʋd n ka be?

BIIBLÃ SẼN YETE

A Sʋɩtãan goma ne a Zeezi, la a mak-a. (Matye 4:1-4) Rẽnd a Sʋɩtãan sɩd beeme. A pa wẽngã sẽn be ninsaal sũurẽ wã ye. A yaa malɛg-wẽnga.

BÕE ME LA D TÕE N BÃNG BIIBLÃ PƲGẼ?

• Sɩngrẽ wã, a ra yaa malɛg-sõngo, la “a ka pa sɩd pʋgẽ ye.” (Zã 8:44) A yaga ziri, la a kɩɩs Wẽnnaam.

• Malɛgs a taab n naag a Sʋɩtãan n kɩɩs Wẽnnaam.—Vẽnegre 12:9.

• A Sʋɩtãan luda neb wʋsg yam tɩ b tẽed t’a ka be ye.—2 Korẽnt-rãmbã 4:4.

NEB KẼER YETAME tɩ f sã n tẽed t’a Sʋɩtãan tõe n sooga neda, f belgda f menga. Sãnda yɛɛsda zĩn-dãmbã, n pa rat tɩ b wa so-b n maand b sẽn dat ye. La yãmba?

BIIBLÃ SẼN YETE

“Dũniyã zãng bee wẽng soabã nugẽ.” (1 Zã 5:19) A Sʋɩtãan tõog n belga neb wʋsgo, la a pa tõe n kɩt tɩ ninsaalbã fãa maan a raabã ye.

BÕE ME LA D TÕE N BÃNG BIIBLÃ PƲGẼ?

• A Sʋɩtãan belgda nebã sẽn na yɩl tɩ b maan a raabã.—2 Korẽnt-rãmbã 11:14.

• Wakat ninga, zĩn-dãmbã tõe n sooga ned n maand-a b sẽn date.—Matye 12:22.

• Y sã n bao Wẽnnaam sõngre, y tõe n ‘kɩɩsa a Sʋɩtãana.’—Zak 4:7.