¿Tlenon kijtoua Biblia?
¿Akinon noso tlenon katka Diablo?
¿TIKNEMILIA ika Diablo...
... se espíritu?
... se itlaj tlen xkuajli kipiya ijtik se tlaltikpakchane?
... se itlaj tlen san kinejnemilia tlaltikpakchane?
TLEN BIBLIA KIJTOUA
Diablo otlajto iuan Jesús niman okitlatlatak (Mateo 4:1-4). Kuakon Diablo yemelak nemi niman yejua xsan itlaj kineskayotia tlen xkuajli. Yejua se espíritu akin xkuajli.
¿TLENON NOIJKI UELIS TOMACHTISKEJ ITECH BIBLIA?
Diablo katka se chipauak iluikaktekitketl san ika, xokinek nemis itech tlen melauak (Juan 8:44). Yejua onochiuj se tekajkayaujketl niman okixnamik toTajtsin.
Oksekimej iluikaktekitkej onosentlalijkej iuan (Apocalipsis [Revelación] 12:9).
Diablo kinkajkayaua miyekej tlaltikpakchanejkej ika maka makineltokakan ika nemi (2 Corintios 4:4).
¿Ueli Diablo kinnauatia tlaltikpakchanejkej?
SEKIMEJ TLALTIKPAKCHANEJKEJ KIJTOUAJ ika Diablo kinnauatia ijkuak kinkajkayaua niman oksekimej kimakasij xkuakualtin espíritus. ¿Tlenon tiknemilia tejua?
TLEN BIBLIA KIJTOUA
“Kinnauatia nochimej on oksekimej tlakamej ipan in tlaltikpaktli” (1 Juan 5:19). Diablo kichiua ika miyekej tlaltikpakchanejkej makichiuakan miyek tlemach, san ika, xkinnauatia nochi tlaltikpakchanejkej.
¿TLENON NOIJKI UELIS TOMACHTISKEJ ITECH BIBLIA?
Diablo kinkajkayaua niman ijkon kichiua manochiua tlen xkuajli (2 Corintios 11:14).
Espíritus xkuakualtin kemantika uelij kinnauatiaj noso kalaki intech tlaltikpakchanejkej (Mateo 12:22).
Ika itlapaleuilis toTajtsin, tejua uelis tiktlanis niman tikixnamikis Diablo (Santiago 4:7).
Puede que también le interese
TLEN MIYEKEJ NOTLAJTOLTIAJ ITECH BIBLIA
¿Melauak nemi Diablo?
¿Diablo san se ixneskayotl itech tlen xkuajli noso melauak nemi?
