KWOVE Eliapu . . .

• Oandyu?

• Otyilekeso tyovivi omunthu ena mokati kae?

• Otyipuka omunthu asoka vala?

ETYI OMBIMBILIYA IPOPIA

Eliapu liapopile na Jesus, alihande “okumuyondya.” (Mateus 4:1-4) Ngotyo, Eliapu hatyipuka vala omunthu asoka, tupu hatyilekeso-ko tyovivi. Eliapu oandyu ondingavivi.

OITYI VALI TUPONDOLA OKULILONGESA MO MBIMBILIYA?

• Potete Eliapu liali oandyu onthyukuki, mahi ‘ayahatualla-ko okukala motyili.’ (João 8:44) Yakala onkhembi, iya aityitukila-po Huku.

• Onoandyu ononkhuavo, nambo ambulipake kumwe na Satanasi moumphuki wae.—Revelação 12:9.

• Eliapu liyondya ovanthu ovanyingi opo vehetavele okuti, kouye kuna Eliapu.—2 Coríntios 4:4.

OVANTHU VAMWE VATI ?Eliapu kalipondola okutumina ovanthu, mahi vakuavo vena owoma wokutulwa novilulu. Oityi ove usoka?

ETYI OMBIMBILIYA IPOPIA

‘Ouye auho ukahi nokutuminwa nondingavivi.’ (1 João 5:19) Namphila Eliapu lihongiliya ovanthu aveho, mahi kalityivili okutumina ovanthu aveho.

OITYI VALI TUPONDOLA OKULILONGESA MO MBIMBILIYA?

• Eliapu linyingilila mo viponyo viovanthu opo lityivile okuvehongiliya.—2 Coríntios 11:14.

• Ovilulu pamwe vipondola okutumina ovanthu.—Mateus 12:22.

• Kononkhono mba Huku, motyivili ‘okulwisa Eliapu.’—Tiago 4:7.