ASOO ƐBAHA KƐ Abɔnsam le . . .

• Sunsum nu sonla ɔ?

• Subane ɛtane bie mɔɔ wɔ sonla nu la ɔ?

• Debie mɔɔ sonla dwenle nwo la ɔ?

MƆƆ BAEBOLO NE KA LA

Abɔnsam nee Gyisɛse dendɛle na ‘ɔzɔle ye ɔnleanle.’ (Mateyu 4:1-4) Yemɔti, Abɔnsam ɛnle debie mɔɔ yɛdwenle nwo, anzɛɛ ɔnle subane ɛtane bie ala. Ɔle sunsum nu sonla mɔɔ ɔ ti yɛ se a.

BONI BIEKO A YƐSUKOA YƐFI BAEBOLO NE ANU A?

• Mɔlebɛbo ne, ɛnee Abɔnsam le anwumabɔvolɛ nwuanzanwuanza, noko “yeanli nɔhalɛ.” (Dwɔn 8:44) Ɔrayɛle adalɛ na ɔdele atua ɔtiale Nyamenle.

• Anwumabɔvolɛma gyɛne hɔbokale Seetan anwo dele atua.​—Yekile 12:9.

• Abɔnsam ɛmmaa menli dɔɔnwo ɛnnwu ye kɛ ɔwɔ ɛkɛ.​—2 Kɔlentema 4:4.

MENLI BIE MƆ KA kɛ ɔnle nɔhalɛ kɛ Abɔnsam a nea yɛ nwo zo a, yɛɛ bie mɔ noko sulo kɛ sunsum ɛtane kɛra bɛ nwo zo. Kɛzi ɛdwenle nwo ɛ?

MƆƆ BAEBOLO NE KA LA

“Abɔnsam di ɛtane ewiade ye azo belemgbunli.” (1 Dwɔn 5:19) Abɔnsam ɛlɛdi alesama anwo zo tumi, noko tɛ awie biala a ɔlɛ ɔ nwo zo tumi a.

BONI BIEKO A YƐSUKOA YƐVI BAEBOLO NE ANU A?

• Abɔnsam dua mɛlɛbɛla zo nyia menli nwo zo tumi.​—2 Kɔlentema 11:14.

• Ɔdwu mekɛ ne bie a, sunsum evinli ne mɔ kola ba menli nwo zo.​—Mateyu 12:22.

• Ɔlua Nyamenle moalɛ zo, ɛbahola wɔazi “Abɔnsam adenle.”​—Gyemise 4:7.