Antoy Ibabaga na Biblia?
Siopa odino anto so Diablo?
ANTOY EBAT MO? Say Diablo et . . .
sakey ya espiritun persona
simbolo na kaugsan a walad dalem na sakey a too
imahinasyon labat na too
NO ANTOY IBABAGA NA BIBLIA
Say Diablo et akitongtong ed si Jesus tan “tinukso” to. (Mateo 4:1-4) Kanian aliwan imahinasyon labat so Diablo, tan aliwan simbolo labat na kaugsan. Sikatoy sakey ya mauges ya espiritun persona.
ANTO NI NAARALAN TAYOD BIBLIA?
Say Diablo et datin anghel, balet “agnansiansia ed katuaan.” (Juan 8:44) Nagmaliw ya matila tan nanrebelde ed Dios.
Akila so arum ya anghel nen nanrebelde si Satanas.—Apocalipsis 12:9.
Bubulagen na Diablo so kanonotan na totoo pian ag-ira manisia ya sikatoy wala.—2 Corinto 4:4.
Kasin sarag na Diablo ya kontrolen so totoo?
IBABAGA NA ARUM ya aliwan tua ya sarag na Diablo ya kontrolen so totoo, balet say arum et natatakot ya ompan selepan ira na mauges iran espiritu. Parad sika ey?
NO ANTOY IBABAGA NA BIBLIA
“Say interon mundo et walad pakayari na samay sakey a mauges.” (1 Juan 5:19) Tua ya mabisbiskeg so impluensya na Diablo ed totoo, balet agto kokontrolen so kada too.
ANTO NI NAARALAN TAYOD BIBLIA?
Papalingoen na Diablo iray totoo pian mas dakel so naimpluensyaan to.—2 Corinto 11:14.
No maminsan et sarag ya kontrolen na mauges iran espiritu so totoo.—Mateo 12:22.
Diad tulong na Dios, sarag mon ‘sumpaen [o labanan] so Diablo.’—Santiago 4:7.
Ompan Nagustoan Mo Met
EBAT ED SARAY TEPET ED BIBLIA
Talaga Kasin Walay Diablo?
Kasin say Diablo et sakey labat ya prinsipyo o mauges ya ugali ya walad loob na totoo, odino sakey a tuan persona?
EBAT ED SARAY TEPET ED BIBLIA
Kasin Ginawa na Dios so Diablo?
Iner so nanlapuan nen Satanas? Amtaen no akin ya imbaga nen Jesus ya say Diablo et “agnansiansia ed katuaan.”
EBAT ED SARAY TEPET ED BIBLIA
Kasin Sarag na Diablo ya Kontrolen so Totoo?
Panon ya iimpluensyaan na Diablo iray totoo, tan panon yon naiwasan iray patit to?
