Dahme Paipel Mahsanih?
Ihs de dahkot Tepil?
KE PAHN NDA me Tepilo iei . . .
Ngehn emen?
Kilelepen irair suwed ehu loalen aramas?
Emen me sohte mie ahpw aramas me pein medewehda?
DAHME PAIPEL MAHSANIH
Tepilo koasoiong oh ‘kasonge’ Sises. (Madiu 4:1-4) Eri Tepil kaidehn emen me sohte mie ahpw aramas me pein medewehda, de kilelepen irair suwed ehu loalen aramas. Ih ngehn suwed men.
DAHME KITAIL PIL KAK SUKUHLKIHSANG PAIPEL?
Nin tapio Tepil wia tohnleng mwahu men, ahpw “e sohte kin miniminiong me mehlelo.” (Sohn 8:44) E wiahla sounlikamw men oh uhwongada Koht.
Ekei tohnleng kan iangala Sehdan uhwongada Koht.—Kaudiahl 12:9.
Tepilo karotongehla aramas tohto pwe ren dehr medewe me e mie.—2 Korint 4:4.
Tepilo kak kaunda aramas?
EKEI ARAMAS KIN NDA me e sohte mehlel me Tepil kin kaunda aramas, a meteikan kin masak me ngehn suwed kan pahn tiada pohrail. Ia omw madamadau?
DAHME PAIPEL MAHSANIH
“Sampah unsek mi pahn manaman en Me Suwedo.” (1 Sohn 5:19) Ahn Tepilo manaman kehlail ong kamwakid tohnsampah, ahpw e sohte kin kaunda aramas koaros.
DAHME KITAIL PIL KAK SUKUHLKIHSANG PAIPEL?
Tepilo kin doadoahngki widing kan pwehn kalaudehla eh pitih aramas.—2 Korint 11:14.
Ngehn suwed kan kak kaunda aramas ekei ahnsou kan.—Madiu 12:22.
Sang sapwellimen Koht sawas, ke kak pweida ni omw pahn “pelianda Tepil.”—Seims 4:7.
