WE KWAKULA’SHI Diabulu nyi . . .

• Mmuntu a mu kikudi?

• Nkifwanyi kya myanda ibubi i mwishimba dya muntu?

• Mmwanda wa mpwandikishi?

AKYAKULA BIBLE

Diabulu besambile na “kutompa” Yesu. (Mateo 4:1-4) Bino abileesha’shi Diabulu ta mwanda wa mpwandikishi, sunga kifwanyi kya myanda ibubi nya. Nyi muntu a mu kikudi e bubi.

NKINYI DINGI AKITULONGYESHA BIBLE?

• Kumpala Diabulu baadi mwikeyilu ebuwa, kadi “ta mushimatshiile mu biinyibiinyi.” (Yowano 8:44) Bafikile sha-madimi aye nkutombokyela Efile Mukulu.

• Bangi ba mwikeyilu babalondele Satana mu buntomboshi.—Kibafumbwilwe 12:9.

• Diabulu kwete kubwikila meeso a bantu bebungi bwabadya kupela kuuka’shi e kwanka.—2 Beena-Kodinda 4:4.

BANGI BANTU ABAKULA’SHI kukunkushibwa na Diabulu mmwanda wa madimi, aku namu bangi abapusha moo pabebalungula’shi be na bikudi bibi. Omono naminyi?

AKYAKULA BIBLE

“Bya pano byooso mbishaale ku matalwa a mubi.” (1 Yowano 5:19) Diabulu e na bukitshishi bukata kwi bantu, anka takunkusha bantu booso nya.

NKINYI DINGI AKITULONGYESHA BIBLE?

• Diabulu kwete kufuba na madimi bwa kukaka bantu bebungi kwadi.—2 Beena-Kodinda 11:14.

• Ingi nsaa bikudi bibi mbilombeene kukunkusha bantu.—Mateo 12:22.

• Ku bukwashi bw’Efile Mukulu, we koobesha ‘kubindwila kafilefile.’—Shake 4:7.