Ko e Hā ʻOku Leaʻaki ʻe he Tohi Tapú?
Ko hai pe ko e hā ʻa e Tēvolo?
TE KE PEHĒ NAI ko e Tēvoló ko ha . . .
Tokotaha laumālie?
Kovi ʻi loto ʻi ha tokotaha?
Meʻa pē ia ʻi ha fakakaukau ʻa ha tangata?
MEʻA ʻOKU LEAʻAKI ʻE HE TOHI TAPU
Naʻe fetalanoaʻaki mo “ʻahiʻahiʻi” ʻe he Tēvoló ʻa Sīsū. (Mātiu 4:1-4) Ko ia ko e Tēvoló ʻoku ʻikai ko ha tuʻunga pē ia ʻo e fakakaukaú pe ʻokú ne fakafofongaʻi ha kovi. Ko e tokotaha laumālie fulikivanu ia.
KO E HĀ TE TAU TOE AKO MEI HE TOHI TAPÚ?
Ko e Tēvoló naʻe hoko ko ha ʻāngelo māʻoniʻoni ki muʻa, ka “naʻe ʻikai te ne tuʻu maʻu ʻi he moʻoní.” (Sione 8:44) Naʻe hoko ko ha tokotaha loi mo fakafepaki ki he ʻOtuá.
Naʻe kau fakataha ʻa e kau ʻāngelo kehé ʻi he angatuʻu ʻa Sētané.—Fakahā 12:9.
Ko e Tēvoló ʻokú ne fakakuihi ʻa e lahi taha ʻo e kakai ʻokú ne malavá.—2 Kolinitō 4:4.
ʻE lava ʻe he Tēvoló ke puleʻi ʻa e kakaí?
KO E NIʻIHI TE NAU PEHĒ ko e pule ʻa e Tēvoló ko ha foʻi kākā, lolotonga ia ʻoku pehē ʻe he niʻihi ʻoku uluisino ʻiate kinautolu ha laumālie ʻuli. Ko e hā hoʻo fakakaukaú?
MEʻA ʻOKU LEAʻAKI HE TOHI TAPÚ
“Ko e māmaní kotoa ʻoku tokoto ia ʻi he mafai ʻo e tokotaha fulikivanú.” (1 Sione 5:19) ʻOku tākiekina lahi ʻe he Tēvoló ʻa e faʻahinga ʻo e tangatá, ka ʻoku ʻikai ke ne puleʻi kotoa kinautolu.
KO E HĀ TE TAU TOE AKO MEI HE TOHI TAPÚ?
ʻOku ngāueʻaki ʻe he Tēvoló ʻene kākaá ke fakalahi ʻene tākiekiná.—2 Kolinitō 11:14.
Ko e ngaahi laumālie fulikivanú ʻoku lava ke nau puleʻi ʻa e kakaí ʻi he taimi ʻe niʻihi.—Mātiu 12:22.
ʻI he tokoni ʻa e ʻOtuá, te ke lavameʻa ʻi hono “talitekeʻi ʻa e Tēvoló.”—Sēmisi 4:7.