Kumbi Bayibolu Likambanji?
Kumbi Dyaboli ndiyani?
KUMBI MUNGAMUKA KUTI Dyaboli . . .
Ntchakulengeka chauzimu?
Ndi mtima uheni wa munthu?
Ndi maŵanaŵanu waka nga ŵanthu?
VO BAYIBOLU LIKAMBA
Dyaboli wangulongolo ndipuso “wanguyesa” Yesu. (Mateyu 4:1-4) Mwaviyo, Dyaboli ndi mtima pamwenga maŵanaŵanu waka nga munthu cha. Kweni iyu ntchakulengeka chauzimu chiheni.
FUNDU YINYAKI YO TISAMBIRA M’BAYIBOLU
Dyaboli pakwamba wenga mungelu wamampha, kweni “wangujalikisika cha mu unenesa.” (Yohane 8:44) Iyu wanguja waboza ndipu wangugalukiya Chiuta.
Angelu anyaki nawu angumulondo ndipu angugalukiya Chiuta.—Chivumbuzi 12:9.
Dyaboli wapusisa ŵanthu anandi.—2 Ŵakorinte 4:4.
Kumbi Dyaboli wangachitisa ŵanthu kuchita vinthu viheni?
ŴANTHU ANYAKI AKAMBA KUTI Dyaboli wangachitisa cha munthu kuti wachiti vinthu viheni, kweni anyaki atopa kulongozeka ndi mizimu yiheni. Kumbi imwi muŵanaŵana wuli?
VO BAYIBOLU LIKAMBA
“Charu chosi che m’manja nga muheni yo.” (1 Yohane 5:19) Dyaboli wachitisa kuti ŵanthu anandi achitengi vinthu viheni kweni wachitisa ŵanthu wosi cha.
FUNDU YINYAKI YO TISAMBIRA M’BAYIBOLU
Dyaboli wapusisa ukongwa ŵanthu.—2 Ŵakorinte 11:14.
Mizimu yiheni yingachitisa kuti ŵanthu achiti vinthu viheni.—Mateyu 12:22.
Kweni Yehova wangakuwovyani “kususka Dyaboli.”—Yakobe 4:7.
Mungayanja Kuŵerenga so Nkhani Izi
MAFUMBU NGO BAYIBOLU LIMUKA
Kumbi Dyaboli Waliku Nadi?
Kumbi Dyaboli ndi maŵanaŵanu pamwenga uheni wo we mu mumtima mwa munthu, pamwenga ndi mungelu wakuti waliku nadi?
MAFUMBU NGO BAYIBOLU LIMUKA
Kumbi Dyaboli Wangalamuliya Ŵanthu?
Kumbi Dyaboli watiŵachiska wuli ŵanthu kuti awiri mu mauryarya ngaki, nanga mungachita wuli kuti mukhwechi mauryarya ngaki?
