Eaha ta te Bibilia e parau ra?
O vai aore ra eaha te Diabolo?
E PAHONO ANEI OE te Diabolo,
E melahi?
O te ino i roto i te taata?
E manaˈo noa i hamanihia e te taata?
EAHA TA TE BIBILIA E PARAU RA?
Ua paraparau e ua faahema te Diabolo ia Iesu. (Mataio 4:1-4) E ere ïa te Diabolo i te mea manaˈo-noa-hia e te taata e e ere atoa te ino e vai ra i roto i te taata. E melahi ino râ oia.
EAHA ˈTU Â TA TE BIBILIA E HAAPII MAI RA?
I te haamataraa, e melahi moˈa te Diabolo, aita râ “oia i haapao i te parau mau.” (Ioane 8:44) Ua riro oia ei melahi haavare e te orure hau i te Atua.
Ua pee te tahi atu mau melahi ia Satani e ua orure hau atoa.—Apokalupo 12:9.
Te haapouri ra te Diabolo e rave rahi taata ia ore ratou ia tiaturi te vai nei oia.—Korinetia 2, 4:4.
E nehenehe anei ta te Diabolo e faatere i te taata?
TE PARAU RA VETAHI e haavare ia parau e nehenehe ta te Diabolo e faatere i te taata. Area te tahi atu, te riaria ra ia uruhia ratou e te varua ino, aore ra demoni. Eaha to oe manaˈo?
EAHA TA TE BIBILIA E PARAU RA?
“Te vai noa nei to te ao atoa i raro aˈe i taua varua ino ra.” (Ioane 1, 5:19) E mana rahi to te Diabolo, e ere râ te mau taata atoa ta ˈna e faatere ra.
EAHA ˈTU Â TA TE BIBILIA E HAAPII MAI RA?
Te faaohipa ra te Diabolo i te ravea haavarevare ia rahi atu â to ˈna mana i nia i te taata.—Korinetia 2, 11:14.
I te tahi taime, e nehenehe te mau demoni e faatere i te taata.—Mataio 12:22.
E nehenehe e “patoi atu i te diabolo” maoti te tauturu a te Atua.—Iakobo 4:7.
E au atoa outou . . .
TE PAHONO RA TE BIBILIA
Mea mau anei te Diabolo?
O te ino anei te Diabolo e vai ra i roto i te mau taata atoa? Aore ra mea mau anei oia?
TE PAHONO RA TE BIBILIA
Na te Atua anei i poiete ia Satani?
Nohea mai Satani? A hiˈo mai no te aha Iesu i parau ai aita te Diabolo i “mau papu i roto i te parau mau.”
TE PAHONO RA TE BIBILIA
E nehenehe anei te Diabolo e ohipa i nia i te taata?
E nafea te Diabolo e ohipa ˈi i nia i te taata? E nafea ia patoi i ta ˈna mau raveraa?
