MASIRING KA BA nga an Yawa usa nga . . .

• Espiritu nga persona?

• Simbolo han karaotan ha kasingkasing han tawo?

• Imahinasyon la han tawo?

KON ANO AN GINSISIRING HAN BIBLIA

An Yawa nakig-istorya ngan ‘nagsulay’ kan Jesus. (Mateo 4:1-4) Salit, an Yawa diri imahinasyon o simbolo la han karaotan. Maraot hiya nga espiritu nga persona.

ANO PA AN ATON MAHIBABAROAN HA BIBLIA?

• Ha tinikangan, an Yawa usa nga baraan nga anghel, pero “waray hiya magpadayon ha kamatuoran.” (Juan 8:44) Nagbuwa hiya ngan nagrebelde ha Dios.

• May mga anghel nga inupod ha pagrebelde ni Satanas.—Pahayag 12:9.

• Ginbubutahan han Yawa an damu nga tawo nga diri hiya naeksister.—2 Corinto 4:4.

NASIRING AN IBA nga diri mahimo kontrolon han Yawa an mga tawo, samtang an iba nahahadlok nga sudlan hin maraot nga espiritu. Ano ha imo hunahuna?

KON ANO AN GINSISIRING HAN BIBLIA

“An bug-os nga kalibotan kontrolado han gahum han usa nga maraot.” (1 Juan 5:19) Daku gud an impluwensya han Yawa ha mga tawo, pero diri niya makukontrol an tagsa nga tawo.

ANO PA AN ATON MAHIBABAROAN HA BIBLIA?

• An Yawa nanlilimbong basi damu an iya maimpluwensyahan.—2 Corinto 11:14.

• May mga kahimtang nga mahimo makontrol han maraot nga espiritu an mga tawo.—Mateo 12:22.

• Ha bulig han Dios, imo ‘maaatohan an Yawa.’ —Santiago 4:7.