Mang ara Mini’ fare Moonyan’?
Mang ara mini’ fare Moonyan’?
GA RA YOG NI fare Moonyan’ e . . .
Ir reb e kan nib kireb?
Be yip’ fan e kireb ni bay u fithik’ be’?
Ban’en ni yugu ma lemnag e girdi’?
N’EN NI BE YOG E BIBLE
I non Moonyan’ ngak Jesus me “guy rogon e n’en nra rin’ me denen.” (Matthew 4:1-4) Ere, fare Moonyan’ e gathi ban’en ni yugu ma lemnag e girdi’ ara be yip’ fan e kireb. Ya ir reb e kan nib kireb.
MANG E KU RAYOG NI NGAD FILED U LAN E BIBLE?
Som’on e immoy fare Moonyan’ ni ir reb e engel nib manigil, machane me taw nga ba ngiyal’ me “tababnag e kireb.” (Ezekiel 28:15, BT) I tabab ni nga i ban me togopuluw ngak Got.
Bay boch e engel nra uned ngak Satan ngar togopuluwgad.—Revelation 12:9.
Ma guy Moonyan’ rogon ni nge bannag e girdi’ ni ngar lemniged ni gathi riyul’ ni bay.—2 Korinth 4:4.
Gur, rayog rok Moonyan’ ni nge gagiyegnag e girdi’?
MA YOG BOCH E GIRDI’ nde riyul’ nrayog rok Moonyan’ ni nge gagiyegnag e girdi’, ma boch e ma rus nri ying e pi kan nib kireb ngorad. Me gur, uw rogon u wan’um?
N’EN NI BE YOG E BIBLE
“Tin ni ka ba’ e girdi’ nu fayleng e ke suweyrad Faanem nib Kireb.” (1 John 5:19) Ba gel gelngin Moonyan’ nrayog ni nge gagiyegnag e girdi’, machane gathi gubin e girdi’ ni be gagiyegnagrad.
MANG E KU RAYOG NI NGAD FILED U LAN E BIBLE?
Ma fanay Moonyan’ e pi ban rok ya nge yag ni nge gagiyegnag e girdi’.—2 Korinth 11:14.
Pi kan nib kireb e ku rayog ni ngar gagiyegnaged e girdi’.—Matthew 12:22.
Rayog ni ngam “togopluw ngak fare moonyan’” u daken e ayuw rok Got.—James 4:7.