Baʼax ku yaʼalik le Bibliaoʼ
¿Baʼax le Kʼaasilbaʼaloʼ?
¿A TUKLIKEʼ le Kʼaasilbaʼaloʼ...
... juntúul espíritu?
... u kʼasaʼanil máak?
... chéen ku yaʼalaʼal yaan?
BAʼAX KU YAʼALIK LE BIBLIAOʼ
Le Kʼaasilbaʼaloʼ tsikbalnaj yéetel Jesús, tsʼoʼoleʼ tu túuntaj u yóol (Mateo 4:1-4). Le beetkeʼ le Kʼaasilbaʼaloʼ maʼ chéen junpʼéel baʼax ku yaʼalaʼal yaniʼ mix chéen u kʼasaʼanil máakiʼ. Kex maʼ juntúul máak jeʼex toʼoneʼ jach tu jaajil yaan.
BAʼAX ULÁAKʼ KU YAʼALIK LE BIBLIAOʼ
Tu káajbaleʼ le Kʼaasilbaʼaloʼ juntúul utsul ángel, chéen baʼaleʼ «maʼ pʼáat ichil le jaajoʼ» (Juan 8:44). Tuusnaji yéetel tu tsʼáajuba tu contra Dios.
Uláakʼ angeloʼob xaneʼ tu tsʼáajubaʼob tu tséel Satanás le Kʼaasilbaʼaloʼ (Apocalipsis 12:9).
Le Kʼaasilbaʼaloʼ ku pixik u tuukul máak utiaʼal maʼ u creertaʼal wa yaan (2 Corintoiloʼob 4:4).
Le Kʼaasilbaʼaloʼ ¿jeʼel wa u controlartik wíinikeʼ?
YAAN MÁAX TUKLIKEʼ maʼ jaaj wa yaan le Kʼaasilbaʼaloʼ, uláakʼoʼobeʼ saajkoʼob u chuʼukloʼob tumen le demonioʼoboʼ. ¿Kux túun teech?
BAʼAX KU YAʼALIK LE BIBLIAOʼ
«U túulisil yóokʼol kaabeʼ tiʼ yaan yáanal u páajtalil le j-Kʼasaʼanoʼ» (1 Juan 5:19). Le Kʼaasilbaʼaloʼ ku suʼusutik máak jeʼex u kʼáateʼ, pero maʼ tu páajtal u láaj controlartik tuláakal máak.
BAʼAX ULÁAKʼ KU YAʼALIK LE BIBLIAOʼ
Le Kʼaasilbaʼaloʼ ku tusik le máakoʼob utiaʼal u controlartikoʼoboʼ (2 Corintoiloʼob 11:14).
Yaan horaeʼ le demonioʼoboʼ jeʼel u controlartikoʼob máakeʼ (Mateo 12:22).
Dioseʼ jeʼel u yáantkech a tsʼáaba «tu contra le Kʼaasilbaʼaloʼ» (Santiago 4:7).
Maʼ xaaneʼ jeʼel u yutstal xan ta wicheʼ
BAʼALOʼOB KU NÚUKAʼAL TEʼ BIBLIAOʼ
¿Jach wa tu jaajil yaan le Kʼaasilbaʼaloʼ?
¿Jach wa tu jaajil yaan le Kʼaasilbaʼaloʼ wa chéen letiʼe kʼasaʼanil yaan tiʼ máakoʼ?
