Biibili atuak­kanit up­perisarsior­nermut tun­ngasunit al­lanit tamanit al­laaneruvoq. Pif­fis­sap sivisuup ingerlanerani inup­pas­suit up­perisaan­nut atuak­kanit al­lanit sun­niuteqar­ner­paasimavoq. Aam­mali misis­sor­neqar­ner­paal­lunilu isor­nar­torsior­neqar­ner­paavoq.

As­sersuutigalugu ilisimatuut ilaasa Biibili nalitsin­ni pigisar­put al­las­simaq­qaarfin­nut naaper­tuun­nersoq apeq­quser­tar­paat. Up­perisarsior­neq pil­lugu profes­sori ima oqar­poq: “Al­las­simaq­qaarfiit eq­qor­tumik al­laq­qis­simanerlutigit qulak­keerlugu ilisimasin­naan­ngilar­put. Al­laq­qitat kuk­kuner­nik ulik­kaar­tut kisiisa pigaavut, taak­kualu amerlanersaat al­las­simaq­qaarfin­nit ukiunik hundredilin­nik nutaajunerugamik tuusintilitsigut as­sigiin­ngis­suteqarunar­put.”

Al­lat up­perisar­tik pis­sutigalugu Biibili ilumoor­nersoq apeq­quser­tar­paat. As­sersuutigalugu Faizal Biibilip il­ler­nar­tuuneranik al­lan­ngor­tin­neqarsimaneranil­li angajoq­qaaminit kristumiuun­ngitsunit ilin­niar­tin­neqar­poq. Ima oqar­poq: “Tamatuma kingunerisaanik inuit Biibili pil­lugu uan­nik oqaloqateqarusut­tut up­perival­laar­neq ajor­pak­ka. Biibilim­mi al­las­simaq­qaarfii pigin­ngilaat. Biibili al­lan­ngorsimavoq!”

Biibilip al­lan­ngorsiman­ngin­nerata paasinis­saa sooq pingaaruteqar­pa? Apeq­qutit uku eq­qarsaatigik­kit: Biibilimi neriorsuutit tup­pal­ler­nar­tut al­las­simaq­qaarfin­ni eq­qaaneqar­nersut naluguk­ku up­perisin­naavigit? (Rom 15:4) Biibili inun­nit al­laq­qitaan­naap­pat kuk­kuner­nik ulik­kaar­toq sulif­fin­nut, ilaqutariit­tut inuunis­sin­nut pal­lorfigin­nin­nis­sin­nul­luun­niit tun­ngatil­lugu pingaarutilin­nik aalajangigas­saqaraangavit najoq­qutas­siat Biibilimeersut atorusus­savigit?

Biibilip al­las­simaq­qaarfii pigineqan­ngik­kaluar­tut Biibilimik al­laq­qitat itsar­nitsat tuusintil­lit misis­sor­neqarsin­naap­put. Sooq taak­kua asiunatil­lu nungutin­neqar­natil­lu imarisaat al­lan­ngor­tin­neqan­ngil­lat? Piujuar­nerat pil­lugu oqalut­tuaq nalitsin­ni Biibilip pigisat­ta ilumoor­nerata up­perineruler­nis­saanut qanoq iluaqutigisin­naaviuk? Apeq­qutit al­laaserisani tul­liut­tuni akineqar­put.