HLOGOTABA YA LEPHEPHE LA KA TAWONG | BHAYIBELE—KA MOKGO YI PHONNENG

Taba Yowa ke ye Kgolo

Ga dipuku tso di ngwadiwweng tsa sedumedi, a yi šiyo ya go tshwana le Bhayibele. A yi šiyo puku ya go maka gore batho ba go tlala ba tshepele ga Modimo ka nako ya go lefa ka mokgo. Mara ka ho thoko, a go na puku ya gore batho ba yye ba yi pombhola le go yi phigisa go tshwana le Bhayibele.

Mo re beyisa, bo ba go tšhutega baa kamaka gore Dibhayibele tsa gana byalo di tshwana le dipuku tsa Bhayibele tsa mathomo. Phrofesa ye nngwana ya gore yi tšhutele tsa sedumedi yi re: “Re ka sa nape re tshepa gore re ngwadiye tso di leng ga dipuku tsa Bhayibele tsa mathomo ka mokgo ne di le ka gona. Dibhayibele tsa gana byalo a di ya ngwadiwa ka mokgo di tshwaneleng, tsa go tlala tsa tsona di ngwadiwwe ka nthago ga lekgolo la mengwaga fote ga go tlala a di tshwane le tsa ku botala.”

Ka taba la sedumedi so batho ba go tlala ba goleleng ga sona, ba bangwana ba tiputsisa gore ayitsano Bhayibele ya tshepega. Mo re beyisa, ba mutši wa Faizal ba gore a yi Makreste, ba mmotsiye gore Bhayibele ke puku ya go hlawolega mara yi tšhentšhiye. Byalo Faizal o re: “Tsotsone di makiye gore ke sa tshepenyana gabutši mo batho ba nyaka go bolabola le nna ka Bhayibele. Go tokegela mone, ke mo ba se na Bhayibele ya ku botala. Ke mo yi tšhentšhiye!”

Nje di napa di hlupa gore Bhayibele yi tšhentšhiye? Nagana ka diputsiso tsowa: Ayitsano o ka tshepa molayetsa wa go kgomoletsa wa go tšwa Bhayibeleng, wa dilo tso di nyoko makegang ku mahlong, le mo o sa tšibi gore molayetsa wone ke mo wo le gona ga Mangwalo ya mathomo ya ku botala? (Maroma 15:4) Ayitsano hala Dibhayibele tsa gana byalo di sa tshepege, ne o ka berekisa ditšhiko tsa yona gore di go yetetse mo o nyaka mmereko, kela wa di berekisa ka mutšing wago kela mo o kgeta gore ga Modimo o nyaka go mo rapela byang?

Le mo Bhayibele ya mathomo yi lahlegiye, mara re ka lebelela dipuku tsa botala ra boya ra lebelela le makgolo ya mangwalo ya Bhayibele. Di makegiye byang gore mangwalo ya ku botala ma sa bole, ma kgone go phona le mo ma phigisiwa fote le tso di ngwadiwweng ga wona di sa tšhentšhiwi? Taba ya gore ma yye ma phona yi ka tiyisa byang tumelo yago gore Bhayibele yo re nang nayo lekgono ya tshepega? Lebelela diphetolo tsa diputsiso tsone ga taba ya gore yi phonne byang.