Ombimbiliya kayelekwa nomukanda nawike mo nongeleya. Petupu omukanda omukuavo ovanthu ovanyingi vetavela mokueenda kuomanima omanyingi. Tupu, kutupu omukanda omukuavo wovololwa iya upopiwa vali unene novanthu.

Moluotyo, ovanongo kavetavela okuti Ombimbiliya yohono yatunda umwe movihonekwa viokohale. Omulongesi umwe konthele yonongeleya wapopia okuti: “Onthue katutyii nawa-nawa ankho tukahi umwe nokuhangununa nawa vihonekwa ngetyi vikahi movihonekwa viokohale.” “Onthue tuahoneka ovipuka ovinyingi viapenga iya mokueenda kuomanima omanyingi ovihonekwa viokohale kaviko vali iya pahe vielikalela no vihonekwa viokohale mononkhalelo ononyingi.”

Omapulo omakuavo alingwa akolela mokonda ipopiwa unene monongeleya. Mongeleka, Faizal walongesiwa nombunga yae yeheva-Kristau okuti Ombimbiliya omukanda ukola, mahi walingwa omapiluluko amwe. “Moluotyo, pamwe ndyikala nowoma tyina ovanthu vapopia naame konthele Yombimbiliya.” “Iya ngwe vetupu Ombimbiliya yovihonekwa viokohale. Ankho yapiluluka!”

Tyilinge yapiluluka ine kayapilulukile, okuti otyo tyesukisa? Tupu tala omapulo aa: Ove upondola okuyumba onthumbi momilao vipameka vio Mbimbiliya inkha ove kuevinoñgonokele nawa movihonekwa viokohale? (Romanos 15:4) Ove upondola okuundapesa onondonga Mbombimbiliya pala okulinga omatokolo akolela konthele yovilinga, nombunga ine efendelo inkha Ombimbiliya yahonekwa vala novanthu?

Namphila omikanda vio Mbimbiliya viokohale vikahi nokuvomba, onthwe tupondola okuovola movihonekwa viokohale—ngetyi ono Mbimbiliya mbokohale. Oñgeni ovihonekwa ovio viatualako namphila ankho vahanda okuvihanyako, iyelwe iya tupu ankho vahanda okupilulula etyi ipopia? Oñgeni onkhalelo Ombimbiliya yatualako ipondola okupameka onthumbi yove motyili? Tala omakumbululo omapulo oo monthele mailandulako.