Bibliaqa jujniraymi religionkunaq tukuy libronkunamantapas. Unay tiempoñan millonninpi runakuna Bibliaq nisqanman jina creenku. Ichaqa manan Bibliata jinaqa ima librotapas lliuta estudiarankuchu, nitaq criticarankuchu.

Wakin Bibliata investigaq runakunan iskayanku kay tiempopi Bibliakuna original qelqakunaq nisqanman jina kananmanta. Religionkunata estudiaq profesormi niran: “Manan segurochu kayku llapallanchus original rollokunapi nisqanman jina kashan icha manachus chaymanta”, nispa. Nillarantaqmi: “Imaymana fallakunayoq copiakunallan kashan, chay copiakunaqa yaqa llapanmi pachaj-pachaj watakuna pasaytaña ruwakuran, imaymanapitaqmi jujniray kashan”, nispa.

Wakin runakunaqa religionninkupi yachachisqa kasqankuraykun iskayanku Biblia cheqaq kananmanta. Ejemplopaq Faizal sutiyoq runaqa mana cristiano familiapin wiñaran, paytan yachachiranku “Bibliaqa sagrado libron ichaqa chaypi nisqanqa cambiasqan kashan” nispa. Faizal nin: “Noqaqa desconfiaqmi kani Bibliamanta pipas rimapayawaqtin, piensasqayman jina, mana original Bibliamantachu yachachisqankurayku, cambiasqa kapusqanrayku ima”, nispa.

¿Imaynatan afectawanchis Biblia cambiaranchus icha manachus chayta yachay? Kaypi piensay: Bibliapiqa imaymana promesakunan jamuq tiempopaq kashan. Sichus iskayawaq chay promesakuna original rollokunapi kasqanmanta chayri, ¿confiawaqchu chaykunapi? (Romanos 15:4.) Kay tiempo Bibliakuna imaymana fallayoq copiakunalla kaqtin, ¿utilizawaqchu chaypi yachachikuykunata vidaykipi importante kaqkunamanta decidinaykipaq?

Original rollokunaqa chinkapuranña chaypas, qhawasunmanmi ñaupa tiempopi ruwakuq copiakunata, chay copiakunaqa waranqanpi rollokunan kashan. Bibliata qelqakusqan materialkunaqa gastakapuranmi, runakunapas ch’usaqyachiytan munaranku, jinaspapas wakin runakunaqa yachachisqantan cambiayta munaranku. Ichaqa, chhaynaña kashaqtinpas, ¿imaynatan Biblia kay tiemponchiskama duraran? ¿Imaynapin chaykunata yachay yanapasunkiman kay tiempopi kaq Bibliakunapi confianaykipaq? Chaykunamanta yachasun.