ISIHLOKO ESISEKUQALISENI | IBHUKU—ELINGASOZE LITSHABALALE
Kuyini Okwenze IBhayibhili Langatshabalali?
IBhayibhili alizange litshabalale, lokhu kwenze ukuthi lawe ulithole futhi uzibalele lona. Nxa ungathola iBhayibhili elihunyutshwe kuhle kulapho ozabona khona ukuthi ubala okwakuvele kusemibhalweni emidala. * Kuyini okwenze iBhayibhili langatshabalali njengoba bekulula ukuthi lihlaselwe yikubola, ngabantu ababengalifuni kanye lalabo ababezama ukuntshintsha umlayezo walo? Kanti lona liqakatheke ngani?
“Sengikwazi khathesi ukuthi iBhayibhili engilalo yisipho esivela kuNkulunkulu”
Abantu abanengi ababala iBhayibhili lamuhla bavumelana lamazwi abhalwa ngumphostoli uPhawuli athi: “IMibhalo yonke yaphefumulelwa nguNkulunkulu.” (2 KuThimothi 3:16) Bakholwa ukuthi okwenze iBhayibhili laphunyuka yikuthi liyiLizwi likaNkulunkulu njalo uNkulunkulu ubelokhu elilondoloza kuze kube lamuhla. UFaizal esike sakhuluma ngaye ekuqaliseni wacina esebala iBhayibhili ukuze abone ukuthi lokho akhula ekufundiswa kuliqiniso yini. Akutholayo kwammangalisa kakhulu. Wabona ukuthi iBhayibhili alizifundisi izimfundiso ezigcwele emasontweni. Waphinda wathintwa kwamancane ngokufunda ngenhloso uNkulunkulu alayo ngathi eyiyo eseLizwini lakhe iBhayibhili.
Uthi: “Sengikwazi khathesi ukuthi iBhayibhili engilalo liyisipho esivela kuNkulunkulu. Njengoba uNkulunkulu wadala zonke izinto kambe usengehlulwa yikusinika ibhuku leli aphinde alilondoloze? Ukuba lensolo bekungaba yikweyisa amandla kaNkulunkulu. Ngingubani mina engingaze ngeyise amandla oMninimandla onke?”—U-Isaya 40:8.
^ Isigaba 3 Khangela isihloko esithi: “Ungayikhetha Kanjani Inguqulo YeBhayibheli Engcono Kakhulu?” ku-Nqabayokulinda yesiZulu ka-May 1, 2008.
Nanku Okunye
INQABAYOKULINDA
Kungani Kumele Ulizwisise IBhayibhili?
Abantu abanengi bayaliqakathekisa ibhuku leli elingcwele kodwa kabakunanzeleli ukuthi lingabanceda ekuphileni kwabo.
ESSENTIAL BIBLE TEACHINGS
Singakwazi Njani Ukuthi IBhayibhili Lileqiniso?
Nxa iBhayibhili labhalwa nguNkulunkulu akufanelanga lifanane laloba yiliphi elinye ibhuku.
