AR­NAT PINERLINEQAR­TAR­NERAT: FN-imi ima nalunaarusiaqar­poq: “Ar­nat pingajorar­terutaat inooqatimin­nit nakuuserfigineqar­nikuul­lutil­lu pin­ngitsaalineqar­nikuup­put.” Ajoraluar­tumik “mis­singer­neqarsimavoq nunarsuaq tamak­kerlugu ar­nat sisamarar­terutaat pin­ngitsaalineqas­sal­lutil­lu pin­ngitsaaleriar­neqas­sasut”.

PINERLUN­NEQ: USA-mi mis­singer­neqarsimavoq pinerliiniaqatigiit 30.000-nit amerlanerusut. Latinamerikami inuit pingajorar­terutaasa nakuuserfigineqar­ner­tik politiinut nalunaarutigisimavaat.

TOQUTSINERIT: 2012-imi inuit 500.000-ngajaat toqutaasimanerat, sorsun­ner­ni toqutaasunit amerlanerit, mis­singer­neqarsimavoq. Afrikap kujasis­suani Amerikamilu Qiterlermi toqutaasut nunanut al­lanut sanil­liul­lugit sisamariaam­mik amerlanerusar­put. Ukiup ataatsip ingerlanerani Latinamerikami 100.000-nit amerlanerusut Brasiliamilu 50.000-t mis­saat toqutaasimap­put. Nakuuser­neq atuuk­kun­naarsin­neqarsin­naava?

Sooq nakuuser­neq taama atugaatigaa? Pis­sutaasut amerlasuut paasineqarsimap­put, mak­kua ilagaat: inut­tut aningaasaqar­nik­kul­lu atugarisat as­sigiin­ngip­pal­laar­nerat, inuit al­lat inuuneran­nik ataq­qin­nin­ngin­neq, imigas­samik ikiaroor­nar­tumil­lu ator­nerluineq, meeq­qat inersimasunik nakuuser­tunik isigin­naar­tar­nerat nakuuser­tul­lu pil­lar­neqar­pasit­tan­ngin­nerat.

Nunat ilaan­ni nakuuser­neq an­nikil­lisin­neqarsimavoq. Brasiliami il­loqarfim­mi São Paulomi ukiut qulit ingerlaneran­ni toqutsinerit 80 procentit mis­saan­nik ikilisin­neqar­put. Il­loqarfim­mili tas­sani nakuuser­nerit as­sigiin­ngitsut amerliar­tuin­nar­put, in­nut­taasul­lu 100.000-ugaangata qulit toqutaasar­put. Nakuuser­nerli qaqugorsuarmut atuut­tuas­sava?

Nakuuser­neq atuuk­kun­naarsik­kumal­lugu inuit isigin­nit­taasiat pis­susilersoriaasial­lu al­lan­ngor­tin­neqar­tariaqar­put. Inuit nakuuser­tar­tut makitajun­naarlutik, piumatujun­naarlutik nam­minis­sarsiorun­naarlutil­lu al­lanik asan­nit­tariaqar­put, ataq­qin­nit­tariaqar­put isumas­suisariaqarlutil­lu.

Inuup al­lan­ngorluin­nar­nis­saminut suut kajumis­sis­sutigisin­naavai? Biibilimi ajoqersuutigineqar­tut eq­qarsaatigik­kit:

• ‘Guutimut asan­nin­neq tas­saavoq inas­sutai maleruaratsigit, inas­sutaalu ar­tor­nar­tuun­ngil­lat.’ – 1 Johan­nesi 5:3.

• “Naalagaq mianerigaan­ni ajor­toq uumigisas­saavoq.” – Us­satit 8:13.

Guutimik asan­nin­neq mianerin­nin­nerlu inuit nakuuser­tar­tut inuunermin­nik – qal­lik­kuin­naan­ngitsoq, kisian­ni inut­tut kinaas­sutsimin­nik – al­lan­nguinis­samin­nut kajumis­sis­sutigisin­naavaat. Ilumut taamatut pisoqarsin­naava?

 Alex, * nakuuser­tar­neq pis­sutigalugu ukiuni 19-ini kingul­ler­ni Brasiliami par­naarus­saaq­qasoq, eq­qarsaatigiuk. Jehovamik Nalunaajaasunit Biibilimik atuaq­qis­saaqatigineqar­tareerluni ukiumi 2000-mi Nalunaajaasun­ngor­poq. Ilumut nakuuser­tarun­naar­pa? Aap, Alexip ajor­tuliar­pas­suani peq­qis­simis­sutigai. Ima oqar­poq: “Guutip isumak­keerfigineqarluin­nar­tutut misigitim­manga asangaar­para. Jehovamut qujamasun­neq asan­nin­nerlu al­lan­nguinis­samut iluaqutigaak­ka.”

César, aam­ma Brasiliamiu, til­lin­niar­tarlunilu sak­kulisarluni ujajaasar­poq. Ukiuni 15-ini taamatut inooriaaseqar­poq. Suut al­lan­ngus­sutigai? Taan­na aam­ma par­naarus­saaq­qal­luni Jehovamik Nalunaajaasunit Biibilimik atuaq­qis­saaqatigineqar­taler­poq. César ima nas­suiaavoq: “Aatsaavis­suaq inuunermi siuner­taqaler­punga. Guutimik asan­nin­neq ilik­kar­para. Aam­ma taas­sumin­nga mianerin­nin­neq – ajor­tulior­nik­kut Jehovamik ajual­latitserusun­ngil­luin­nar­neq – ilik­kar­para. Ajun­ngisaar­neranut qujasuitsoorusun­ngilanga. Asan­nin­neq mianerin­nin­nerlu al­lan­ngor­nis­samut kajumis­sis­sutigaak­ka.”

Misigisalik­kersaarutit taak­ku qanoq ilin­niarfigaavut? Biibili inuit eq­qarsar­taasian­nik al­lan­ngor­titsinik­kut inuuneran­nik al­lan­nguil­luin­nar­nis­samut sun­niisin­naavoq. (Efesosimiut 4:23) Alex, siusin­nerusuk­kut eq­qaaneqar­toq, ima nangip­poq: “Biibilimit ilik­kak­kama imer­tut minguitsutut uan­nik saliisutut it­tut ajor­tunik eq­qarsaateqarun­naarsil­lunga minguiar­tuar­paan­nga. Isumaqar­nikuuvunga al­lan­ngorsin­naananga.” Aap, Biibilip tusarlius­saata minguitsup eq­qarsaatigisar­neratigut ilutsin­ni ajor­tut piiarsin­naavavut. Guutip oqaasia minguiaasin­naavoq. (Efesosimiut 5:26) Taamaat­tumik inuit peq­qar­niitsut nam­minis­sarsior­tul­lu al­lan­ngorsin­naap­put, inus­siar­nersun­ngorlutil­lu eq­qis­sinermik nuan­narisaqalersin­naap­put. (Romamiut 12:18) Najoq­qutas­siat Biibilimeersut malil­lugit inuunermik­kut eq­qis­sisar­put. – Esaja 48:18.

Nunani 240-ni inuit 8 mil­lioninit amerlanerusut Jehovamik Nalunaajaasuusut nakuuser­neq qanoq atuuk­kun­naarsin­neqarsin­naasoq paasisimavaat. Inuit as­sigiin­ngitsunik nagguil­lit, atugal­lit tunuliaqutal­lil­lu Guutimik asan­nin­neq mianerin­nin­nerlu aam­ma nunarsuaq tamak­kerlugu qatan­ngutigiit­tut eq­qis­sil­lutik asaqatigiin­nis­sar­tik ilik­karsimavaat. (1 Petrusi 4:8) Silarsuup nakuuserfiun­ngitsup pilersin­neqarsin­naaneranut up­per­narsaataap­put.

Guutip qanit­tuk­kut nunarsuarmi nakuuser­nermik atuuk­kun­naarsitsinis­saa Biibilimi neriorsuutigineqar­poq. Silarsuaq man­na nakuuserfioqisoq Guutimit ‘eq­qar­tuus­saas­saaq iluaatsul­lu nungutitaas­sal­lutik’. (2 Petrusi 3:5-7) Nakuuserlutik al­lanik naal­liutsitsisar­tut piiagaas­sap­put. Guutip nakuuser­nermik atuuk­kun­naarsitsinis­saa qanoq qulak­keerlugu ilisimasin­naavar­put?

Biibilimi al­las­simavoq Guutip ‘nakuuser­nermik nuan­narisaqar­toq uumigigaa’. (Tus­siaat 11:5) Pin­ngor­titsisup eq­qis­sineq naaper­tuil­luar­nerlu nuan­narai. (Tus­siaat 33:5; 37:28) Taamaat­tumik inuit nakuuser­tar­tut qaqugorsuarmut akuersaar­navian­ngilai.

Aap, qanit­tuk­kut silarsuaq eq­qis­sineqarfiusoq pilersin­neqas­saaq. (Tus­siaat 37:11; 72:14) Silarsuarmi nakuuserfiun­ngitsumi inuulerumal­luni qanoq ilior­toqarsin­naasoq paaserusup­piuk?