WAŊNDA APUM LAALAŊ maa waŋchieeya hiŋ a kaŋndeŋ ni. Acheleŋnda yiyaŋ maa Mɛlɛka cho kaŋndeŋ soliŋndo kpeku le waŋnda malaa ma sɔɔŋguu ndu ikɛi kpɛɛluŋ. Yɛɛ cho yɛ yiyaŋ numndo?

NYƐ BAABUIYO DIMI WO

Kaŋndeŋ le cho, le cho “sakpo [nduyɛ le] nɔ sɔŋ o sɔŋ” Mɛlɛka o hɔl te wo le cho. (Chemisi 1:27) Lelaŋ, kaŋnde tonyaleŋ le chɛŋ o Mɛlɛka lo.

YƐƐ CHELEŊ NAŊ PƐƐKU YƐ O BAABUIYO NIŊ?

• Le Mɛlɛka kɔllo nɛŋioo, mɛɛ mi kaŋndeŋ le tɔlnuŋ o tonya Baabuiyo choo.​—Chɔŋ 4:23, 24.

• Nyɛ fondoo fuu kaŋii tɔlnuŋ o kɔlkalu waŋchieeya choo wo i cho ni.​—Maki 7:7, 8.

YƐƐ Ŋ CHO YƐ DIMI?

• Ei

• Ɛ ɛ

• Kɛlɛŋgaa

NYƐ BAABUIYO DIMI WO

“La ŋ nuuviaŋ nɛila naa ŋ nɔla mi ŋ kpeeŋiaa chaaŋaa naa vellaa velle le waŋnda kaalaa a sɔɔŋ kɛndɔŋ tosaa laŋ. La ŋ malnuŋ chuuŋgiaŋndo diom pilɛ mɛɛ waŋnda apum a nɔ kaa a chɛl le hunɔɔ o bɔŋaŋ niŋ te yɛ le.” (Hibuluiya 10:24, 25) Mɛlɛka yeema wanaa cho ndu piɛiyo wa ma wa a kɔɔnaa diompilɛ.

YƐƐ CHELEŊ NAŊ PƐƐKU YƐ O BAABUIYO NIŊ?

• Wanaa cho Mɛlɛka piɛiyo diompilɛ wa nɔ ma nɔ laalaŋ pilɔɔ.​—Kɔliŋtiaŋ Tasoo 1:10, 11.

• Wanaa cho o kaŋnde Mɛlɛka yulu iso leŋ niŋnda nɔ ma wa diompilɛ chieeŋndo balɔɔ silɔ.​—Pitɛ Tasoo 2:17.