¿Toni kijtoua Biblia?
¿Kiixtalijkej takamej taneltokalis?
SEKIN KIJTOUAJ ke takamej kiixtalijkej taneltokalis. Oksekin kineltokaj ke Dios kiixtalij porin ika kinpaleuia taltikpakneminij maj iuan motokikan. Uan tejuatsin, ¿toni tikonnemilia?
TEIN KIJTOUA BIBLIA
Moajsi se “taneltokalis ten chipauak uan ne taneltokalis ten amo teyi ma tsojkuiltik iixpantsinko Totajtsin Dios” (Santiago 1:27). Yejua ika, taneltokalis tein chipauak oso melauak, Dios kiixtalij.
¿TONI OKACHI KIJTOUA BIBLIA?
Se taneltokalis kiyolpaktis Dios komo moixyekana ika tein yekmelauj tamachtia Biblia (Juan 4:23, 24, TNM).
Taneltokalismej tein moixyekanaj ika inintanemililuan takamej senkis amo tapaleuiaj (Marcos 7:7, 8).
¿Moneki se pouis itech se taneltokalis?
¿TONI TIKONIJTOSKIA TEJUATSIN?
Kemaj
Amo
Xa uelis
TEIN KIJTOUA BIBLIA
“Ma tiktemolijtiyakan de keniu [...] timotasojtatiyaske se uan okse uan de keniu tikchiutiyaske in kuali tachiualisme. Uan sekin tokniuan amo mosentilijtinemij para kimouistiliske Dios pero ma amo ijkon ma tikchiutinemikan” (Hebreos 10:24, 25). Dios kineki maj itekitikauan mosentilikan.
¿TONI OKACHI KIJTOUA BIBLIA?
Akin kiueyichiuaj Dios monekiskia maj amo tataman tein kineltokaj (1 Corintios 1:10, 11).
Akin pouij itech taneltokalis tein Dios kiselia semanauak taltikpak mouikaj kemej iknimej (1 Pedro 2:17).
Xa no tikonuelitas
TANEJMACHTIJKEJ
¿Moajsi se taneltokalis tein uelis itech titakuaujtamatiskej?
¿Amo mitsonpaleuij taneltokalis kemej tikonchiaya? Komo ijkon mitsonpanok, xa ouij oksepa tiontakuaujtamatis itech se taneltokalis. Uelis mitsonpaleuis komo tionmomachtia Biblia.
