BATHO BA BANGWE BA DUMELA gore bodumedi bo tlile ka motho; ba bangwe ba nagana gore Modimo o diriša bodumedi go thuša batho gore ba mo rate. Wena o nagana’ng?

SEO BEIBELE E SE BOLELAGO

Go na le “borapedi bjo bo hlwekilego le bjo bo sa šilafalago ponong ya Modimo wa rena le Tate.” (Jakobo 1:27) Bodumedi bjo bo sekilego, goba bja therešo, bo tšwa go Modimo.

KE ENG SE SENGWE SEO RE KA ITHUTAGO SONA KA BEIBELENG?

• Bodumedi bo swanetše go thewa therešong ya Beibele gore bo kgahle Modimo.​—Johane 4:23, 24.

• Madumedi ao a theilwego dikgopolong tša batho ke a lefeela.​—Mareka 7:7, 8.

NA O KA RE . . .

• Ee?

• Aowa?

• Mohlomongwe?

SEO BEIBELE E SE BOLELAGO

“A re hlokomelaneng gore re hlohleletšaneng leratong le medirong e mebotse, re sa tlogele go bokana ga rena gotee.” (Baheberu 10:24, 25) Modimo o nyaka gore barapedi ba gagwe ba kgobokane e le sehlopha seo se rulagantšwego.

KE ENG SE SENGWE SEO RE KA ITHUTAGO SONA KA BEIBELENG?

• Bao ba rapelago Modimo mmogo ba swanetše go ba tumelong e tee.​—1 Bakorinthe 1:10, 11.

• Ditho tša bodumedi bjoo Modimo a bo amogelago di bopa borwarre bja lefase ka bophara.​—1 Petro 2:17.