Baebele ya Reng ka Kgang Eno?
A bodumedi bo tlhamilwe ke batho?
BATHO BANGWE BA RE bodumedi bo tlhamilwe ke batho; ba bangwe ba akanya gore Modimo o dirisa bodumedi gore batho ba mo atamele. O akanyang?
SE BAEBELE E SE BUANG
Go na le ‘kobamelo e e phepa le e e sa leswafalang go ya ka pono ya Modimo wa rona le Rara.’ (Jakobe 1:27) Bodumedi jo bo phepa kgotsa jwa boammaaruri bo simolotswe ke Modimo.
SE GAPE RE SE ITHUTANG MO BAEBELENG
Gore bodumedi bo itumedise Modimo, bo tshwanetse go thewa mo dithutong tsa Baebele.—Johane 4:23, 24.
Madumedi a a theilweng mo dithutong tsa batho ke a lefela.—Mareko 7:7, 8.
A o tshwanetse go nna leloko la bodumedi bongwe?
O KA RENG?
Ee
Nnyaa
Go ikaegile ka maemo
SE BAEBELE E SE BUANG
“A re akanyetsaneng gore re tlhotlheletsaneng mo loratong le mo ditirong tse di molemo, re sa lese go phuthega mmogo ga rona.” (Bahebera 10:24, 25) Modimo o batla gore baobamedi ba gagwe ba phuthege mmogo e le setlhopha se se rulaganeng.
SE GAPE RE SE ITHUTANG MO BAEBELENG
Batho ba ba obamelang Modimo mmogo ba tshwanetse go dumela se se tshwanang. —1 Bakorintha 1:10, 11.
Maloko a bodumedi jo Modimo a bo amogelang ke bakaulengwe ba lefatshe lotlhe.—1 Petere 2:17.