TE PARAU RA VETAHI: Na te taata. Area te tahi atu, te manaˈo ra e ravea tera ta te Atua e faaohipa ra ia haafatata te taata ia ˈna. Eaha to oe manaˈo?

EAHA TA TE BIBILIA E PARAU RA?

Te vai ra “te paieti [aore ra haapaoraa] mau e te ino ore i mua i te aro o te Atua, o to tatou Metua.” (Iakobo 1:27) Na te Atua ïa i haamau i te haapaoraa mau.

EAHA ˈTU Â TA TE BIBILIA E HAAPII MAI RA?

• E farii te Atua i te tahi haapaoraa ia niuhia te reira i nia i te parau mau Bibilia.—Ioane 4:23, 24.

• Mea faufaa ore te mau haapaoraa o tei niuhia i nia i te mau manaˈo taata.—Mareko 7:7, 8.

E PAHONO ANEI OE?

• E

• Eita

• Tei te huru

EAHA TA TE BIBILIA E PARAU RA?

“E haapao maite â tatou te tahi i te tahi, a faaaraara ˈtu ai ia rahi te aroha, o te rave i te mau ohipa maitatai ra: eiaha hoi e faarue i ta tatou haaputuputuraa.” (Hebera 10:24, 25) Te hinaaro ra te Atua ia putuputu ta ˈna mau tavini ei pǔpǔ faanahohia.

EAHA ˈTU Â TA TE BIBILIA E HAAPII MAI RA?

• Hoê â tiaturiraa ta te feia o te haamori amui ra i te Atua.—Korinetia 1, 1:10, 11.

• E riro te mau mero o te haapaoraa ta te Atua e farii ei huitaeae na te ao nei.—Petero 1, 2:17.