Lagani 1949 ai, egu tamana be Germany ia rakatania bona Australia ia lao. Ia be Victoria ena gunika gabuna ta ai ia noho, bona unuseniai paoa steiseni bona maini gabudia ai gaukara ia tahua. Unuseniai ia ese egu sinana ia adavaia, bona lagani 1953 ai lau vara.

Lagani haida murinai, egu sinana be Iehova ena Witnes taudia ida Baibel ia stadilaia matamaia, unai dainai lau maragi negana amo Baibel ena hadibaia herevadia lau diba. To, egu tamana be tomadiho iboudiai ia abia dae lasi. Ia be ia dagedage bona egu sinana be ia dekenai ia gari. Egu sinana be hehuni dalanai Baibel ia stadilaia noho bona ena hadibaia herevadia ia ura henia bada. Egu tamana be ruma ai ia noho lasi negadiai, egu sinana ese lau bona egu tadina kekeni dekenai ia dibaia gaudia ia hadibaia. Ia ese vaira negai do ia vara tanobada paradaisona ia herevalaia bona ia gwau bema Baibel ena taravatu ai badinaia ai moale diba.​—Salamo 37:10, 29; Isaia 48:17.

Egu mauri lagani be 18 neganai, egu tamana ena dagedage karadia dainai, lau ura ruma lau rakatania. Ena be egu sinana ese Baibel amo lau ia hadibaia gaudia lau abia dae, to lau laloa maragi. Unai dainai egu mauri lalonai lau badinaia lasi. Lau be coal maini dekenai elektrisen gaukara lau karaia. Egu mauri lagani be 20 neganai lau headava. Lagani toi murinai, emai natuna kekeni ginigunana ia vara, bona unai negai egu mauri ai mai anina bada gauna lau laloa lou. Lau diba Baibel ese egu famili ia durua diba dainai, Iehova ena Witnes tauna ta ida Baibel lau stadilaia matamaia. To egu adavana be Witnes taudia ia ura henia lasi. Iehova ena Witnes taudia edia hebou ta lau lao murinai, egu adavana ese inai abia hidi rua ia gwauraia: Baibel stadi hadokoa o famili rakatania. Vadaeni, iena ura lau abia dae bona Witnes taudia lau bamoa lasi. Gabeai, lau lalohisihisi badina lau diba dala maorona lau dadaraia.

Dina ta, egu gaukara turadia ese lau dekenai ponografi o matabodaga laulau dikadia idia hahedinaraia. Lau moalelaia to danu ia be dika bona lalohisihisi ia mailaia. Baibel amo lau dibaia gaudia dainai, lau abia dae Dirava ese lau do ia panisia. To matabodaga laulau dikadia momo lau itaia noho ela bona egu lalohadai ponografi dekenai be ia idau. Gabeai, unai kara dikana lau manadalaia.

Lagani 20 murinai, egu sinana ese lau ia hadibaia toho taravatudia lau badinaia lasi. Egu lalona ai lau atoa gaudia be egu kara ese idia hahedinaraia danu. Hereva  dikadia bona hevaseha mirodia lau gwauraia. Mahuta hebou karadia o seks karadia dekenai lalohadai kereredia lau abia. Ena be egu adavana ida lau noho, to hahine ma haida lau tura henia danu. Dina ta ai hevarivari lau itaia bona lau gwau, ‘Oi lau ura henia lasi.’ Lau sibona lau matauraia lasi, to lau sibona lau hadikaia.

Egu headava bona mauri idia dika. Bena Iehova dekenai lau guriguri. Baibel stadi lau hamatamaia lou, herevana lagani 20 idia hanaia. Unai negai, egu tamana be ia mase vadaeni, bona egu sinana be ia bapatiso bona Iehova ena Witnes ta ai ia lao.

Egu mauri dalana be Baibel ena taravatu bamona lasi. To hari lau ura Baibel ia gwauhamatalaia lalomaino lau abia. Lau ura egu hereva dalana idia goeva bona badu karana lau hadokoa be namo. Danu, lau ura inai kara dikadia lau hadokoa: Matabodaga, laki gadara, bia inua momo, bona egu bosi edia kohu o moni henaoa karana.

Egu gaukara turadia idia daradara dahaka dainai lau ura unai senisi lau karaia. Lagani toi lalonai, lau idia doria egu kara gunadia dekenai lau giroa totona. Nega haida lau badu o hereva dikana ta lau gwauraia neganai, idia be mai moale ida do idia boiboi: “Oibe! Joe korikorina be inai!” Edia hereva ese egu lalona ia hahisia! Nega haida lau mamia lau kwalimu diba lasi.

Egu gaukara gabunai ponografi be bada, kompiuta bona buka dekenai. Egu turadia be hanaihanai kompiuta amo laulau mirodia idia siaia, guna lau karaia bamona. Lau ura egu manoka gauna lau hanaia, to toana be egu turadia idia ura lau moru. Egu Baibel stadi tauna lau noia lau do ia durua bona hagoadaia. Egu hemami lau gwauraia neganai, ia be mai haheauka danu ia kamonai. Baibel siri maorodia amo egu manoka gauna lau hanaia dalana ia hahedinaraia, bona lau ia hagoadaia guriguri loulou karana amo Iehova dekenai heduru lau tahua.​—Salamo 119:37

Nega ta egu gaukara turadia lau boiridia hebou ta dekenai idia mai totona. Idia haboua murinai, lau hamaorodia alkahol idia rakatania tatau rua dekenai bia idia henia. To ibounai idia boiboi: “Unai bamona oi karaia lasi! Inai tatau be idia gaukara goada alkahol idia rakatania totona!” Bena lau haere: “Oibe, lau danu be idia bamona.” Unai nega amo, unai tatau idia itaia lau be lau gaukara goada ponografi itaia karana lau hadokoa totona, bona idia ese lau idia doria lasi egu kara gunadia lau karaia totona.

Gabeai, Iehova ena heduru dainai ponografi itaia karana lau dadaraia. Lagani 1999 ai, lau bapatiso bona Iehova ena Witnes tauna ta ai lau lao, bona lau moale badina Iehova ese lau ia hebogahisi henia bona mauri namona lau moalelaia.

Hari lau laloparara dahaka dainai Iehova ese lau ura henia bada gaudia ia inai henia. Lalokau Tamana ia ura lau ia gimaia, unai amo ponografi itaia karana ese lau do ia hadikaia lasi. Aonega Herevadia 3:5, 6 ena hereva be momokani! Ia gwau: “Lohiabada do oi abidadama henia, mai emu kudouna ibounai. Oi sibona oiemu diba do oi abidadama henia lasi. Oi karaia gaudia ibounai lalonai, Lohiabada do oi laloa, vadaeni ia ese dala maorona, be oi dekenai do ia hadibaia.” Baibel ena taravatu ese lau ia gimaia sibona lasi, to lau ia durua lau kwalimu totona.​—Salamo 1:1-3.

Guna, lau sibona lau inai henia, to hari lau sibona lau matauraia bona lalomaino lau davaria. Egu mauri ia goeva bona lau laloa Iehova ese egu dika ia gwauatao bona lau ia durua. Lagani 2000 ai, Karolin lau adavaia, ia be Keristani taihu namona bona Iehova ia lalokau henia bada. Emai ruma ai maino ai noho. Ai moale badina ai be tanobada ibounai ia noho lalokau Keristani tadikaka oreana goevana huanai ai noho.