Meeraanin­ni orlul­lutit eq­qaamaviuk? Im­maqa kiler­putit seeq­quk­kul­luun­niit kimil­lal­lutit. Anaanavit tup­pal­lersaraatit eq­qaamaviuk? Im­maqa ikit saleriarlugu mat­tuser­paa. Qiavutit, anaanavil­li oqaasii eq­qis­sial­lan­nar­tut pak­kus­sineralu ilorraal­laatigaatit. Taamanik­kut tup­pal­lersar­neqariaanaasar­putit.

Utoq­qaliar­tor­nermili inuuneq al­lan­ngor­tar­poq. Ajor­nar­torsiutit anigoruminaan­neruler­tar­put tup­pal­lersaatis­sarsinis­sarlu ajor­nar­neruler­tarluni. Ajoraluar­tumik inersimasut ajor­nar­torsiutaat mat­tusiinik­kut anaanal­lu pak­kus­sineratigut aaq­qin­neqariaan­naaneq ajor­put. As­sersuuteqariar­ta.

• Sulif­fim­mik an­naasaqar­nerup kingunerlun­nera misiginikuuiuk? Julian oqalut­tuar­poq soraarsitaagami tupangaarami eq­qis­sisimajun­naarluni. ‘Ilaqut­tak­ka qanoq pilersus­savak­ka?’ eq­qarsarsimavoq. ‘Ukior­pas­suar­ni sulerulooreerlunga sooq sulisitsisorisimasama atorsin­naan­ngitsutut isigiler­paanga?’

• Im­maqa aap­pariik­kun­naar­nersi ar­torsaatigaat. “Uima qaam­matit 18-it matuma sior­na qimariataarmanga aliatsap­punga. Uum­matiga marlun­ngorluni avit­tutut ip­poq,” Raquel oqar­poq. “Timik­kut misigis­sutsik­kul­lu an­niar­punga. Eq­qis­sisiman­ngeqaanga.”

• Im­maqa ilungersunar­tumik peq­qiil­liuuteqar­putit peq­qis­siar­tor­pasin­nal­lu. Im­maqa ilaan­nik­kut Jobitut ima oqar­tutut misigisar­putit: “Taamaan­nera qatsuteqaara, inuuin­narusun­ngilanga!” (Jobi 7:16) Imaas­sin­naavorlu Luisip 80-it sin­nerlugit ukiul­lip ima nas­suer­neratut misigisutit: “Ilaan­nik­kut misigisar­punga toqunis­sara utaq­qiin­narlugu.”

• Im­maqaluun­niit asasamik toquk­kut an­naasaqaravit tup­pal­lersar­neqar­nis­saq pisariaqar­tingaar­pat. “Er­nera tim­misar­tup nak­kar­nerani ajunaarmat up­perin­ngeq­qaaraluar­para,” Rober­t oqar­poq. “Taava an­niar­neq panap kapisineranut Biibilimi as­sersuun­neqar­toq nal­liup­poq.” – Lukasi 2:35.

Rober­t, Luis, Raquel Julianilu pis­sutsini atuk­kamin­ni aliasungaaraluarlutik tup­pal­lersaatis­sarsip­put. Tup­pal­lersaal­luarsin­naaner­paaq – tas­sa Guuti Ajugaqan­ngitsoq – nas­saaraat. Taan­na qanoq tup­pal­lersaasar­pa? Aam­ma il­lit tup­pal­lersar­neqar­tariaqaruit tup­pal­lersas­savaatit?