Mɛni Baiblo ɔ De?
Mɛni Ji Mawu Matsɛ Yemi ɔ?
NI KOMƐ HEƆ YEƆ kaa e ji Mawu nɔ yemi nɛ ngɛ adesahi a tsui mi; ni komɛ hu susu kaa e ji mɔde nɛ adesahi ngɛ bɔe kaa a kɛ tue mi jɔmi kɛ kake peemi maa ba je ɔ mi. Kɛ mo hu o susu kɛɛ?
NƆ́ NƐ BAIBLO Ɔ DE
“Mawu nɛ ngɛ hiɔwe ɔ maa to matsɛ yemi ko sisi, nɛ e se be poe gblegbleegble. . . . E ma kpata [adesa] matsɛ yemi kpa amɛ tsuo a hɛ mi.” (Daniel 2:44) Mawu Matsɛ Yemi ɔ ji nɔ yemi nitsɛ.
MƐNI HU WA MA NYƐ MAA KASE NGƐ BAIBLO Ɔ MI?
Mawu Matsɛ Yemi ɔ maa ye nɔ kɛ je hiɔwe.—Mateo 10:7; Luka 10:9.
Mawu guu e Matsɛ Yemi ɔ nɔ kɛ tsuɔ e yi mi tomihi a he ní ngɛ hiɔwe kɛ zugba a nɔ.—Mateo 6:10.
Mɛni be Mawu Matsɛ Yemi ɔ maa ba?
KƐ O MA HA HETO KƐƐ?
Nɔ ko nɔ ko li
E be kɛe
E be bae
NƆ́ NƐ BAIBLO Ɔ DE
“Sane kpakpa nɛ ɔ nɛ kɔɔ Matsɛ Yemi ɔ he ɔ, a maa fiɛ kɛ kpa je ɔ mi tsuo kɛ ye je ma amɛ odase; nɛ lɔ ɔ se loko nyagbe ɔ maa ba.” (Mateo 24:14) Ke a fiɛɛ sane kpakpa nɛ ɔ ta a, Mawu Matsɛ Yemi ɔ maa ba, nɛ e ma ba kpata je yaya nɛ ɔ hɛ mi.
MƐNI HU WA MA NYƐ MAA KASE NGƐ BAIBLO Ɔ MI?
Nɔ ko nɔ ko be zugba a nɔ nɛ e le be tutuutu nɛ Mawu Matsɛ Yemi ɔ maa ba.—Mateo 24:36.
Baiblo mi gbamihi ha nɛ wa na kaa e be kɛe nɛ Mawu Matsɛ Yemi ɔ maa ba.—Mateo 24:3, 7, 12.
