BƏZİ İNSANLAR DÜŞÜNÜR Kİ, dünyadakı problemləri hökumətlər həll edəcəklər. Digərləri isə hesab edir ki, dünyada sülh və əmin-amanlığı insanlar yaradacaqlar. Bəs siz nə düşünürsünüz?

MÜQƏDDƏS KİTABDA DEYİLİR:

«Göylərin Allahı heç vaxt dağılmayacaq bir padşahlıq quracaq... O, bütün bu padşahlıqları əzib yox edəcək» (Dənyal 2:44). Elə bir problem olmayacaq ki, Allahın qurduğu hökumət onu həll edə bilməsin.

MÜQƏDDƏS KİTABDA DAHA NƏ DEYİLİR?

• Allahın qurduğu hökumət göydən idarə edir (Mətta 10:7; Luka 10:9).

• Allah göylə və yer üzü ilə bağlı niyyətini Padşahlığı vasitəsilə həyata keçirir (Mətta 6:10).

SİZ NECƏ CAVAB VERƏRDİNİZ?

• Heç kim bilmir

• Çox tezliklə

• Heç vaxt

MÜQƏDDƏS KİTABDA DEYİLİR:

«Padşahlıq haqqındakı bu müjdə xalqların hamısına şəhadət olsun deyə, bütün yer üzündə təbliğ ediləcək və son o vaxt gələcək» (Mətta 24:14). Xoş xəbər bütün dünyada tam şəkildə təbliğ olunandan sonra Allahın Padşahlığı pisliyin kökünü kəsəcək.

MÜQƏDDƏS KİTABDA DAHA NƏ DEYİLİR?

• Allahın Padşahlığının yeri nə zaman idarə edəcəyini heç kim dəqiq deyə bilməz (Mətta 24:36).

• Müqəddəs Kitabdakı peyğəmbərliklər göstərir ki, bu tezliklə olacaq (Mətta 24:3, 7, 12).