ҠАЙҺЫ БЕРӘҮҘӘР УЙЛАУЫНСА, донъялағы проблемаларҙы Алла хәл итәсәк; башҡалар иһә быны кеше хөкүмәттәре башҡарасаҡ тип һанай. Ә һеҙ нимә уйлайһығыҙ?

ИЗГЕ ЯҘМАЛА НИМӘ ӘЙТЕЛӘ?

«Күктәр Аллаһы бер ҡасан да емерелмәйәсәк батшалыҡ урынлаштырасаҡ... Ул, барлыҡ ошо батшалыҡтарҙы [кеше батшалыҡтарын] емереп, уларҙы юҡҡа сығарасаҡ» (Данил 2:44). Шулай итеп, донъялағы проблемаларҙы Алла Батшалығы хәл итәсәк.

ИЗГЕ ЯҘМАНАН ТАҒЫ НИМӘ БЕЛЕП БУЛА?

• Алла Батшалығы күктән идара итә (Матфей 10:7; Лука 10:9).

• Күктә һәм ерҙә ихтыярын үтәр өсөн, Алла үҙенең Батшалығын ҡуллана (Матфей 6:10).

ҺЕҘ НИСЕК ЯУАП БИРЕР ИНЕГЕҘ?

• Бер кем дә белмәй

• Тиҙҙән

• Бер ҡасан да килмәйәсәк

ИЗГЕ ЯҘМАЛА НИМӘ ӘЙТЕЛӘ?

«Барса халыҡтар Алла Батшалығы хаҡындағы ошо Һөйөнөслө Хәбәрҙе ишетһен өсөн, ул бөтә донъяла иғлан ителер. Ана шунан һуң аҙағы килер» (Матфей 24:14). Һөйөнөслө хәбәр тейешле дәрәжәлә вәғәзләнгәс, Батшалыҡ был яуыз донъя төҙөлөшөн юҡ итәсәк.

ИЗГЕ ЯҘМАНАН ТАҒЫ НИМӘ БЕЛЕП БУЛА?

• Алла Батшалығы ҡасан киләсәген бер кем дә теүәл белмәй (Матфей 24:36).

• Изге Яҙмалағы пәйғәмбәрлектәр Батшалыҡтың тиҙҙән киләсәген күрһәтә (Матфей 24:3, 7, 12).