Kai Nina Pustaka si Badia?
Kai kin Kinirajan Dibata e?
LIT SI TEK maka Kinirajan Dibata lit i bas pusuh. Si debanna ka ngatakenca maka e asil usaha manusia guna erban perdamen i doni. Uga menurutndu?
UGA NINA PUSTAKA SI BADIA
”Ipanteki Dibata nu langit me sada kerajan si la ermasap-masap. . . . Ikernepkenna me seh keri kerajan-kerajan si deban.” (Daniel 2:44) Kinirajan Dibata tuhu-tuhu sada pemerentahen.
KAI KA SI BANCI SIPELAJARI I BAS PUSTAKA SI BADIA?
Kinirajan Dibata merentah i bas surga nari. —Matius 10:7; Lukas 10:9.
Igunakan Dibata KinirajanNa i bas mpeseh sura-suraNa i surga bage pe i doni.—Matius 6:10.
Ndigan Reh Kinirajan Dibata?
KAI JABAPNDU?
Ise pe la metehsa
Nandangi reh
La pernah reh
UGA NINA PUSTAKA SI BADIA
”Janah kenca berita si mehuli kerna Kinirajan e iberitaken man manusia i belang-belang doni enda, jadi saksi man kerina bangsa, kenca bage maka seh me kedungenna e.” (Matius 24:14) Adi berita e nggo tuhu-tuhu seh ku belang-belang doni, ikernepken Kinirajan e me doni si jahat enda.
KAI KA SI BANCI SIPELAJARI I BAS PUSTAKA SI BADIA?
La lit kalak si metehsa ndigan pastina reh Kinirajan Dibata e.—Matius 24:36.
Nubuat Pustaka ncidahken maka lanai ndekah reh Kinirajan e.—Matius 24:3, 7, 12.
